سولتۇستىك قازاقستان وبلىسى شال اقىن اۋدانىنا قاراستى ستۋپينكا اۋىلىندا جەكە تۇرعىن ۇيدەن شىققان ورتتەن قايعىلى جاعداي ورىن الدى، دەپ حابارلايدى "ادىرنا" ۇلتتىق پورتالى.
ورتەنگەن ۇيدەن ءتورت ادامنىڭ ءمايىتى تابىلدى.
توتەنشە جاعدايلار دەپارتامەنتىنىڭ مالىمەتىنشە، ءورت تۋرالى حابارلاما 23 قاڭتارعا قاراعان ءتۇنى 112 پۋلتىنە تۇسكەن. ءورتتى ءسوندىرۋ كەزىندە ۇيدەن ءتورت ادامنىڭ دەنەسى تابىلعان. جوعالعان ءبىر وتباسى مۇشەسىن ىزدەۋ جالعاسىپ جاتىر. بۇل تۋرالى وبلىستىق تجد ءباسپاسوز حاتشىسى ەۆگەني جۋراۆلەۆ مالىمدەدى.
اۋىل اكىمىنىڭ ايتۋىنشا، بۇل ۇيدە بەس بالاسى بار جالعىزباستى اكە تۇرعان. بالالاردىڭ اناسى بىرنەشە جىل بۇرىن قايتىس بولعان. قازا تاپقانداردىڭ ەڭ كەنجەسى 2-سىنىپ وقۋشىسى بولعانى بەلگىلى بولدى.
