Donald Tramp prezıdenttik qyzmetine kiriskennen keıin birden birqatar mańyzdy jarlyqtarǵa qol qoıdy, dep habarlaıdy "Adyrna" ulttyq portaly.
Reuters málimetinshe, olardyń biri avtokólik ónerkásibin damytý strategııasyna qatysty. Prezıdent Tramp burynǵy prezıdent Djo Baıdenniń elektromobılderge kóshý josparyn resmı túrde toqtatyp, qýattaý stanııalaryna bólingen sýbsıdııalardy qysqartty.
2021 jyly Djo Baıdenniń qabyldaǵan «2030 jylǵa qaraı elektrli kólik saýdasynyń úlesin 50%-ǵa jetkizý» týraly qaýlysynyń kúshi joıyldy. Bul sheshim federaldyq agenttikterge jańa qýattaý stanııalaryn salýǵa bólingen 5-7.5 mıllıard dollardy paıdalanýǵa tyıym salýdy kózdeıdi.
Sonymen qatar, Tramp ákimshiligi elektromobılderge beriletin 7,500 dollar kólemindegi jeńildikterdi alyp tastaý jáne ekologııalyq standarttardy jeńildetý týraly usynystardy qarastyrýda. Prezıdent bul sharalardy «otandyq óndirýshilerdi qorǵaý» jáne «elektromobılderdi naryqqa májbúrli túrde engizýdiń durys emestigin» dáleldep, 2019 jylǵy standarttarǵa qaıta oralýdy jón kórdi.
Tramp Meksıka men Kanadadan ımporttalatyn avtokólikterge 25% baj salyǵyn engizýdi josparlap otyr. Bul sheshim ásirese Volkswagen sııaqty kompanııalarǵa qıyndyq týdyrady. Nemis avtokonerni bul jańa salyqtardyń bıznesti tıimsiz etetinin aıtyp, alańdaýshylyq bildirdi. Nemis avtoóndirýshiler qaýymdastyǵy (VDA) jańa baj salyǵy kólikterdiń baǵasynyń ósýine jáne ınflıaııanyń artýyna alyp keletinin málimdedi.
Sonymen birge, Stellantis konerni basshysy Djon Elkann bul máseleler boıynsha prezıdentpen birneshe ret kezdesý ótkizgeni týraly beıresmı aqparat tarady. Stellantis saýdasynyń 40%-y AQSh-qa ımporttalatyn kólikterden quralady.
Jańa sharalardyń saldarynan Volkswagen elektromobılderin jahandyq naryqqa shyǵarý josparlaryn keıinge qaldyrdy. Land Rover da elektrli Defender óndirisin keıinge qaldyrǵanyn málimdedi. Sarapshylar bul jaǵdaıdy jańa platformalardyń tehnıkalyq múmkindikteriniń shekteýligimen túsindirdi.
