Memleket basşysy AQŞ-ta Mark Rubiomen jäne Donald Tramp äkımşılıgınıŋ ökılderımen kezdestı, dep habarlaidy “Adyrna” ūlttyq portaly.
Qazaqstan Prezidentı Qasym-Jomart Toqaevtyŋ Vaşingtonǧa resmi sapary AQŞ memlekettık hatşysy Mark Rubiomen, sauda ministrı Govard Latnikpen, sondai-aq AQŞ prezidentınıŋ Oŋtüstık jäne Ortalyq Aziia jönındegı arnaiy ökılı Serdjio Gormen kezdesuden bastaldy.
Kezdesu barysynda taraptar ekıjaqty jäne öŋırlık kün tärtıbınıŋ özektı mäselelerın, sonyŋ ışınde ekonomikalyq yqpaldastyq, investisiialyq ärıptestık jäne aimaqtyq qauıpsızdık mäselelerın talqylady.
Memleket basşysy Qazaqstan men Amerika Qūrama Ştattarynyŋ arasyndaǧy strategiialyq serıktestıktı jaŋa deŋgeige köteruge, önerkäsıp pen biznestı qoldauǧa, sondai-aq jaŋa jūmys oryndaryn aşuǧa baǧyttalǧan ekonomikalyq yntymaqtastyqtyŋ maŋyzdy röl atqaratynyn atap öttı.
Prezidenttıŋ aituynşa, Qazaqstan bügınde AQŞ-pen joǧary deŋgeidegı saiasi bailanystar ornatqan jäne san qyrly yntymaqtastyqty tereŋdetu jönındegı konstruktivtı dialogty jalǧastyruǧa äzır.
Sapar aiasynda Qazaqstan men AQŞ arasynda asa maŋyzdy mineraldar salasynda yntymaqtastyq ornatu jönındegı özara tüsınıstık turaly memorandumǧa qol qoiyldy.
Qūjatqa QR önerkäsıp jäne qūrylys ministrı Ersaiyn Naǧaspaev pen AQŞ sauda ministrı Govard Latnik qol qoidy.
Būl memorandum ekı el arasyndaǧy innovasiialyq damu men joǧary tehnologiialar baǧytyndaǧy serıktestıktı tereŋdetuge, sondai-aq jaŋa ekonomikalyq mümkındıkter aşuǧa negız bolmaq.
