AQŞ prezidentı Donald Tramp atyşuly qarjyger Djeffri Epşteinnıŋ qūpiia faildaryn jariialauǧa baǧyttalǧan zaŋ jobasyna qol qoidy, dep habarlaidy «Adyrna» tılşısı.
«Men Epşteinge qatysty qūjattardy jariialau turaly zaŋǧa qol qoidym. Būl materialdardyŋ jariialanuy Epşteinnıŋ 42-şı prezident Bill Klintonmen, būrynǧy qarjy ministrı Larri Sammerspen, LinkedIn negızın qalauşy ärı Demokratiialyq partiianyŋ demeuşısı Rid Hoffmanmen, Ökılder palatasyndaǧy demokratiialyq azşylyqtyŋ jetekşısı Hakim Djeffrispen jäne basqa da adamdarmen bailanystary turaly şyndyqty aşady»,- dep jazdy Tramp Truth Social äleumettık jelısınde.
Qol qoiu räsımı 19 qaraşa künı Aq üide öttı. Düisenbıde ökılder palatasy zaŋ jobasyn maqūldap, keiın senat ony jedeldetılgen tärtıppen syrttai bekıtken bolatyn.
Jeksenbıde respublikalyq kongressmen Tomas Massi Epştein faildarynyŋ jariialanbaǧan bölıgınde kemınde 20 tanymal adamnyŋ esımı bar ekenın aityp, olardyŋ qylmystarǧa qatysy boluy mümkın ekenın, bıraq äzırge tergeuge alynbaǧanyn mälımdedı. Tızımde saiasatkerler, milliarderler jäne kinoprodiuserler bar.
Būǧan deiın kongresstegı demokrattar Epştein arhivınıŋ bır bölıgın jariialaǧan edı. Alaida zaŋ jobasyna qol qoiylǧannan keiın de keibır aqparat qūpiia bolyp qala beredı. Olardyŋ arasynda zorlyq qūrbandaryn äşkereleitın mälımetter nemese bala pornografiiasyna qatysty materialdar bolady.
Sonymen qatar Tramp äkımşılıgı tergeuge kedergı keltıretın materialdardy da jariialaudan alyp tastauy mümkın.
Qarjyger Djeffri Epştein 2008 jyly kämeletke tolmaǧan qyzdy zorlaǧany jäne jezökşelıkpen ainalysuǧa arnalǧan pritondy ūiymdastyrǧany üşın sottalǧan. 2019 jyldyŋ jazynda AQŞ-ta qaita ūstalyp, bırneşe jynystyq qylmysqa qatysty köptegen aiyp arqalady. Sol jyly tamyzda 66 jastaǧy milliarder sot şeşımın kütpei, türmede özıne qol saldy. Onyŋ serıgı ärı sybailasy, Ūlybritaniia azamatşasy Gislein Maksvell adamdardy jynystyq qanau maqsatynda saudaǧa saluǧa kömekteskenı üşın 20 jylǧa sottalyp, qazırgı kezde jazasyn ötep jatyr.
