AQŞ prezidentı Donald Tramp Djo Baiden äkımşılıgın Ukrainaǧa äskeri kömek körsetu barysynda amerikalyq oq-därı qoryn azaitty dep aiyptady, dep habarlaidy "Adyrna" ūlttyq portaly.
Onyŋ aituynşa, qazırgı äkımşılık AQŞ arsenaldaryn qaita tolyqtyruǧa kırısken.
Tramp 6 tamyzda Aq üide ötken brifing barysynda Baiden äkımşılıgı Ukrainaǧa şamamen 300 milliard dollar kölemınde oq-därı bergenın aitty.
«Men qyzmetten ketken kezde bärı tolyq bolatyn. Al ol olardyŋ edäuır bölıgın berıp jıberdı. Qazır bız qorlardy qaita qalpyna keltırıp jatyrmyz», – dedı AQŞ prezidentı.
Jurnalister Tramptan Vaşingtonnyŋ Ukrainaǧa Patriot äue şabuylyna qarsy qorǧanys jüiesıne arnalǧan qosymşa zymyrandar men alys qaşyqtyqtaǧy zymyrandardy berudı josparlap otyrǧanyn sūrady.
Būǧan Tramp: «Bızge de zymyrandar qajet», – dep jauap berdı.
Sonymen bırge AQŞ prezidentı amerikalyq qaruly küşterdıŋ qazırgı jaǧdaiy jaqsy ekenın atap öttı. Onyŋ sözınşe, AQŞ armiiasynda qaru-jaraq jetkılıktı, al keibır qaru türlerı zamanaui bolmasa da, tiımdılıgın saqtap otyr.
Būǧan deiın Ukraina prezidentı Vladimir Zelenskii elge äue şabuylyna qarsy qorǧanys jüielerıne arnalǧan zymyrandar asa qajet ekenın habarlady.
Zelenskiidıŋ aituynşa, 1 tamyzǧa qaraǧan tünı Resei Ukrainaǧa 35 zymyran ūşyrǧan. Olardyŋ 27-sı ballistikalyq zymyran bolǧan. Ukrainanyŋ äue qorǧanys küşterı olardyŋ bıreuın ǧana atyp tüsırgen.
Ukraina basşysy halyqaralyq serıktesterdı qajettı zymyrandardy jedel türde jetkızuge şaqyrdy. Onyŋ pıkırınşe, būl qaru yqtimal ssenariiler üşın qoimada saqtalmai, Reseidıŋ şabuylyn tejeu üşın däl qazır qoldanyluy qajet.
