AQŞ prezidentı Donald Tramp Ukrainadan Qyrymdy Reseidıŋ jerı dep moiyndaudy talap etıp otyrǧan joq, Būl turaly Aq üi mälımdedı, dep habarlaidy “Adyrna” ūlttyq portaly.
"Prezident Ukrainadan Qyrymdy moiyndaudy sūrap jatqan joq. Olardy būǧan eşkım mäjbürlegen joq. Ol tek būl qatygez soǧystyŋ tym ūzaqqa sozylǧanyn moiyndap, kelıssöz üstelıne otyrudy sūrap otyr. Jaqsy mämıle jasau üşın ekı tarap ta narazy boluy kerek. Ökınışke qarai, prezident Zelenskii būl beibıt kelıssözderdı baspasöz arqyly joqqa şyǧaruǧa tyrysuda. Būl kelıssözder jabyq türde ötuı tiıs", – dedı Aq üidıŋ baspasöz hatşysy Kerolain Levitt.
Onyŋ aituynşa, Donald Tramp "köŋılı qalǧan, tözımı tausylyp keledı". Levitt ekı tarap ta ymyraǧa keluge daiyn boluy kerek ekenın aityp, "alaida prezident Zelenskii dūrys baǧytta emes siiaqty" dedı.
“Zelenskiige AQŞ-tyŋ beibıt josparymen kelısudı Tramp ultimativtı türde talap ettı me” degen sūraqqa Levitt: "Künnıŋ soŋyna deiın emes. Bıraq prezidenttıŋ köŋılı qalyp otyr jäne ol būl jaǧdaidyŋ aiaqtalǧanyn qalaidy", – dep jauap berdı.
Būǧan deiın Vladimir Zelenskii Ukraina atysty toqtatqannan keiın Reseimen "kez kelgen formatta" kelıssözge daiyn ekenın mälımdegen bolatyn.
Sondai-aq saiasatker Kiev Qyrymnyŋ anneksiiasyn zaŋdy türde eşqaşan moiyndamaitynyn aitty. AQŞ memlekettık hatşysy Zelenskii Qyrymdy Reseidıŋ jerı dep tanu mäselesın talqylaudan bas tartqan soŋ, Londonda ötetın Ukraina boiynşa kelıssözderge qatysudan bas tartty. Nätijesınde britan astanasynda Ūlybritaniia men Ukraina qorǧanys jäne syrtqy ıster ministrlerınıŋ kelıssözderı öttı.
