Özbekstannan Qazaqstanǧa jūmys ızdep kelgen eŋbek migranttarynyŋ sany artuda, dep habarlaidy "Adyrna" ūlttyq portaly Gazeta.uz basylymyna sılteme jasap.
2024 jyldyŋ basynda Qazaqstanda 196,8 myŋ Özbekstan azamaty jūmys ıstese, 2025 jyldyŋ basynda olardyŋ sany 322,7 myŋǧa jetken.
Agenttık mälımetterı boiynşa, Özbekstannyŋ migranttary Reseide jūmys ısteuge qyzyǧuşylyq tanytpai qalǧan. 2024 jyldyŋ basynda Reseide eŋbek migranttarynyŋ sany 1,2 millionnan 698 myŋǧa deiın azaiǧan. Degenmen, Resei älı de Özbekstannan kelgen migranttar sany boiynşa köş basynda tūr. Qazaqstannan keiın Türkiia. Bıraq ondaǧy körsetkışter 119,8 myŋnan 88,7 myŋǧa deiın tömendegen.
Qazır şetelde 1,35 million özbekstandyq jūmys ıstep jür. Būl ötken jyldyŋ osy kezeŋımen salystyrǧanda 34 paiyzǧa az.
Migranttardyŋ öz elderıne oralu tendensiiasy da baiqaluda. 2024 jyldyŋ qazan aiyna deiın Özbekstanǧa 115 myŋ eŋbek migranty qaityp oralǧan. Jyl soŋyna deiın taǧy 250-300 myŋ adam elge oralady dep kütılude.
2024 jyly ūiymdasqan türde şetelde jūmysqa 161,8 myŋ özbekstandyq jıberılgen. Būl 2022 jylǧy körsetkışten 4 ese artyq. Sonymen qatar, ūiymdasqan jūmysqa qabyldau geografiiasy keŋeiıp, Horvatiia, Belgiia, Slovakiia, Serbiia, Chernogoriia men Qatar elderınde 10 myŋǧa juyq adam jūmysqa ornalasqan.
Özbekstanda 2024 jyly 122 jūmys beruşımen 36 elde kelısımder jasalyp, 62,3 myŋ azamat käsıbi daiarlyq pen tıl üirenuge qatysqan.
Ūqsas jaŋalyqtar
