Öz ūltynyŋ tılınde oilanbaityn jannyŋ qazaq qamyn oilaitynyna eşkım sene qoimaidy. QR Mäjılısınıŋ deputaty, aqyn, tıl maidanynda beluardan talas-tartysqa tüsken Qazybek İsa ötkır mäselenı alǧa tartty. Ol memlekettık tılge miy jetpeitınderdı qyzmetke kım alsa, alǧan adamnyŋ özı audarmaşy bolsyn degen talapty bilıkke tıkesınen qoidy. Būl jaily "Adyrna" ūlttyq portaly habarlady.
Aqyn, QR Mäjılısınıŋ deputaty Qazybek İsa bilıktıŋ basyn ūstap, tuǧan tılın cyrtqa iterıp jürgenderge qatysty joiqyn pıkır bıldırdı.
- Memlekettık qyzmette Memlekettık tıldı bılmeitınder qaptap jür! Memlekettık tıldı bılmei Memlekettık qyzmette, Ükımet pen ministrlıkte basşylyqqa deiın, Prezident äkımşılıgı men äkımdıkterde joǧary lauazymdy qyzmetterdı qalai atqaratynyna 31 jylda da basymyz jetpei qoidy!
Şynyn aitqanda, būl 31 jylda bilık Memlekettık tıldı tabanǧa taptap, iaǧni Memlekettı, Täuelsız Qazaq Elın qorlaumen kele jatyr! Ötken aptanyŋ basynda, 14 qaraşadaǧy Parlament Mäjılısınde ötken “Balyq öndıru men şaruaşylyǧyn damytu” taqyrybyna arnalǧan Ükımet saǧatynda Memlekettık tılde söilei almaityn “balyq” vise-ministrlerdıŋ “şeruı” öttı… Qazaqşa qoiylyp jatqan deputattar sūraqtaryna Resei Dumasyna kelgendei Resei tılınde zuyldap jauap berıp jatty. Olar, atap aitqanda, QR auyl şaruaşylyǧy vise-ministrı Jeŋıs Öserbai jäne Qazaqstan Respublikasy ŪQK Şekara qyzmetı direktorynyŋ bırınşı orynbasary Aidar Aimurzinder. Ūlttyq ekonomika vise-ministrı Timur Jaqsylyqov, - dedı deputat.
Keiınnen tuǧan tıl maidangerı Qazybek İsa bilıktegı azamattardyŋ qazaqşa qoiǧan saualdy sanasynda örbıte almai, şatyp-būtyp, şatqaiaqtaǧanyn jazdy.
- Elnūr Beisenbaevtyŋ auyldaǧy balyqşylardyŋ jaǧdaiy turaly sūraǧyna Timur Jaqsylyqovtyŋ jazyp alǧan daiyn qazaqşa jauaby jaŋylysyp kettı. “Diplommen auylǧa” baǧdarlamasy turaly jalpy qysqa mälımettı qazaqşa bırınşı synyp oquşysyndai ejıktep zorǧa oqyp berdı. Būrys jauapqa qanaǧattanbaǧan deputat Elnūr Beisenbaev: «Qūrmettı vise-ministr myrza, men sızden «Diplommen auylǧa» baǧdarlamasynyŋ qalai ıske asqanyn sūraǧan joqpyn. Men sızden: «Qanşa balyqşyny daiarladyŋyzdar? Qanşa balyqşy diplom alyp, auylǧa bardy? Qanşa balyqşy üi jäne äleumettık qoldau aldy? 2009-dan berı 13 jylda qanşa balyqşyǧa qoldau körsettıŋız?» - dep sūradym. Al «Diplommen auylǧa» baǧdarlamasyn bız sızden artyq bılemız. Qanşa qarajat bölınıp, qalai ıske asyp jatqanyn. Qanşa balyqşy bardy, sonymen? Sızde esebı bar ma?»-dep sūraqtyŋ tötesıne köştı, - dep jazdy deputat.
Sonymen qatar, Parlamenttegı öreskel qatelıktı aiyptap, bassyzdyqty doǧaru qajet ekendıgın talap ettı.
- Zaŋ şyǧaruşy organ - Qazaqstan Parlamentınde Qazaq Elınıŋ Memlekettık tılı ǧana jüruı kerek! Resei Dumasynyŋ tılı emes! Ol üşın parlamenttegı “Meilı, orysşa aita bersın”, bärımızge tüsınıktı tılde söilei bersın”-degen jalpaqşeşeilıktı doǧaru kerek! Būl bırınşıden, Memlekettık tılımızdı “jūrt tüsınbeitın tıl” deŋgeiıne tüsırıp, qorlau, ekınşıden, ondai qajettılık bolmasa, özge tıldıler būdan 100 jyldan keiın de memlekettık tıldı üirenbeidı!..Artynda milliondar tūrǧan, Memlekettık tıl turaly zaŋdy talap etken Aşyq hatqa estitın memleketımız Ädılettı Qazaqstanda ädılettı qaraidy dep senemız, - dedı söz soŋynda Qazybek İsa.
"Adyrna" ūlttyq portaly
Ūqsas jaŋalyqtar
