Birikken ulttar uıymy Túrkııa men Sırııada bolǵan joıqyn jer silkinisin saralap, qazirgi kúnniń ózinde 850 myń balanyń úı-kúısiz qalǵanyn aıtty. Pálekettiń "adamzat taǵdyryn sharpyǵanyna" bir aı ótke de, baspanasyz qalǵan balalardyń barar jer, basar taýy joq. Olar áli kúnge deıin adamııattyq kómekke zárý, dep habarlaıdy "Adyrna" ulttyq portaly.
IýNISEF balalar qorynyń málimetinshe, jer silkinisiniń aýyr qamyty moınyna túsken qos elde eki myńǵa jýyq bala ýaqytsha baspanalarda turýǵa májbúr qalǵan. Túrkııa men Sırııada 6 aqpanda bolǵan kúshti jer silkinisi saldarynan qaza tapqandar men zardap shekkenderdiń naqty sany áli belgisiz.
IýNISEF sarapshylary dabyl qaqty. Olardyń aıtýynsha, áli myńdaǵan bala qıyn jaǵdaıda kúneltip jatyr. Olar kómekke, sonyń ishinde psıhologııalyq kómekke qatty zárý.
"Jer silkinisi saldarynan úıin tastap ketýge májbúr bolǵan otbasylar tórt apta boıy aman qalýǵa tyrysyp keldi. Olar dúmpý jalǵasyp jatqandyqtan, záresi ushyp otyrdy deýge bolady", - dedi IýNISEF Eýropa jáne Ortalyq Azııa boıynsha aımaqtyq dırektory Afshan Han.
Túrkııadaǵy 2,5 mıllıon balaǵa shuǵyl gýmanıtarlyq kómek qajet. Sırııalyq 500 myń adam óz baspanasyn tastap ketýge májbúr bolǵan. Apatty jaǵdaıtyń zardaptarymen kúresý, uıymnyń habarlaýynsha, kóńil kónshitpeı otyr.
https://twitter.com/UN/status/1632856694727364612?ref_src=twsrc%5Etfw%7Ctwcamp%5Etweetembed%7Ctwterm%5E1632856694727364612%7Ctwgr%5E31507e8abd1de19788e5115ebeb0424d453dfd72%7Ctwcon%5Es1_&ref_url=https%3A%2F%2Fkaz.zakon.kz%2F6021712-b-trkiya-men-siriyaday-zher-slkns-saldarynan-850-my-bala-baspanasyz-aldy.html
BUU esebine sáıkes, Túrkııa men Sırııada jer silkinisinen qaza tapqandar sany 50 myńnan asty. Sonymen qatar, zilzala 7 mıllıonnan astam balanyń "balalyq shaǵyn" oırandap, kóńilderine kóleńke túsirdi.
"Adyrna" ulttyq portaly
