Shymkent qalasy, Ál-Farabı aýdanynyń polıııa basqarmasyna jergilikti turǵyn aryzdandy. Onyń aıtýynsha, eki jyldan bergi tanysy Shymkent qalasyndaǵy oqý oryndarynyń birinde oqıtyn týǵan sińlisiniń mamandyǵyn basqa fakýltetke aýystyryp beretininin aıtqan. Aqyrynda ábden senimine kirip, sińilisiniń mamandyǵyn aýystyrý úshin alaıaqtyq jolmen 550 000 (bes júz elý myń) teńge alǵan. Keıinnen jaltaryp, aryz ıesiniń qarjysyn qaıtarmaǵan, dep habarlaıdy "Adyrna" ulttyq portaly.
Atalǵan jaıt QR QK-tiń 190-baby 1-bóligi (Alaıaqtyq) boıynsha sotqa deıingi tergep-tekserýdiń biryńǵaı tizimine tirkeldi.
Polıııa qyzmetkerleri habarlamany alǵan boıda, shuǵyl izdestirý jumystaryn júrgizdi. Nátıjesinde, kúdiktiniń jeke basy anyqtalyp, táýlik ishinde qala aýmaǵynda qolǵa tústi. Jasy – 41-de, jumyssyz.
Tergeý kezinde belgili bolǵandaı, ustalǵan azamatsha zańsyz áreketke qarjy tapshylyǵynan barǵan. Jáne óz kinásin tolyqtaı moıyndap, bul úshin ókinetinin jetkizdi.
Qazirgi kezde kúdiktiniń osyǵan uqsas basqa da alaıaqtyq jaıttaryna qatysy bar-joǵy anyqtalýda. Tergeý amaldary jalǵasyp jatyr.
"Adyrna" ulttyq portaly
