2024 jyly medıınalyq mekemeler qarjylandyrýdaǵy zań buzýshylyqtar saldarynan 550 mlrd teńgeden astam qarajat almaı qalǵan. Bul týraly májilis depýtaty Ashat Aımaǵambetov málimdedi, dep habarlaıdy "Adyrna" ulttyq portaly.
Bul mindetti áleýmettik medıınalyq saqtandyrý (MÁMS) júıesine keri áserin tıgizip, medıınalyq qyzmetterdiń qoljetimdiligi men sapasynyń tómendeýine ákeldi.
Aımaǵambetovtiń aıtýynsha, qarjylandyrý tapshylyǵyna lgotalyq sanattar úshin jarnalardy durys eseptemeý jáne respýblıkalyq bıýdjettiń mindettemelerin oryndamaýy sebep bolyp otyr.
Memleket zeınetkerler, balalar jáne júkti áıelder sııaqty azamattardyń 15 sanaty úshin jarnalardy ortasha eńbekaqydan tóleýi kerek. Alaıda jarnalar medıanalyq eńbekaqy negizinde eseptelip, qarjylandyrý 300 mlrd teńgege qysqarǵan. Qysqartylǵan somanyń ózi tolyq bólinbegendikten, medıınalyq mekemeler taǵy 252 mlrd teńgeden aıyrylǵan. Bul jaǵdaı MÁMS júıesine, onyń ishinde operaııalar, ońaltý, dári-dármekpen qamtamasyz etý, MRT jáne KT qyzmetteri sııaqty mańyzdy medıınalyq qajettilikterge keri áserin tıgizgen.
Aımaǵambetov densaýlyq saqtaý mınıstrliginiń jarnalardy azamattardyń esebinen arttyrý týraly usynysyn synǵa aldy. Onyń aıtýynsha, bıýdjet aldymen óz mindettemelerin oryndaýy tıis.
