2024 jyly medisinalyq mekemeler qarjylandyrudaǧy zaŋ būzuşylyqtar saldarynan 550 mlrd teŋgeden astam qarajat almai qalǧan. Būl turaly mäjılıs deputaty Ashat Aimaǧambetov mälımdedı, dep habarlaidy "Adyrna" ūlttyq portaly.
Būl mındettı äleumettık medisinalyq saqtandyru (MÄMS) jüiesıne kerı äserın tigızıp, medisinalyq qyzmetterdıŋ qoljetımdılıgı men sapasynyŋ tömendeuıne äkeldı.
Aimaǧambetovtıŋ aituynşa, qarjylandyru tapşylyǧyna lgotalyq sanattar üşın jarnalardy dūrys eseptemeu jäne respublikalyq biudjettıŋ mındettemelerın oryndamauy sebep bolyp otyr.
Memleket zeinetkerler, balalar jäne jüktı äielder siiaqty azamattardyŋ 15 sanaty üşın jarnalardy ortaşa eŋbekaqydan töleuı kerek. Alaida jarnalar medianalyq eŋbekaqy negızınde eseptelıp, qarjylandyru 300 mlrd teŋgege qysqarǧan. Qysqartylǧan somanyŋ özı tolyq bölınbegendıkten, medisinalyq mekemeler taǧy 252 mlrd teŋgeden aiyrylǧan. Būl jaǧdai MÄMS jüiesıne, onyŋ ışınde operasiialar, oŋaltu, därı-därmekpen qamtamasyz etu, MRT jäne KT qyzmetterı siiaqty maŋyzdy medisinalyq qajettılıkterge kerı äserın tigızgen.
Aimaǧambetov densaulyq saqtau ministrlıgınıŋ jarnalardy azamattardyŋ esebınen arttyru turaly ūsynysyn synǧa aldy. Onyŋ aituynşa, biudjet aldymen öz mındettemelerın oryndauy tiıs.
Ūqsas jaŋalyqtar
