AQSh Memlekettik departamentiniń TechWomen baǵdarlamasynyń túlegi, qazaqstandyq saıasattanýshy Dına Shaıhıslam AQSh-tyń saılanǵan prezıdenti Donald Tramptyń ulyqtaý rásimine qatysady, dep habarlaıdy "Adyrna" ulttyq portaly Ulysmedıaǵa siltep.
Dına Shaıhıslam bul jańalyqty óziniń Instagram paraqshasynda bólisti.
"Búgin men prezıdent Tramp pen vıe-prezıdent Venstiń ınaýgýraııasyna resmı shaqyrý aldym", – dep jazdy ol, shaqyrý qaǵazyn kórsetip.
Dına Shaıhıslam – álemdegi jetekshi saıası strategter men keńesshilerdiń biri. Ol halyqaralyq saılaý naýqandaryn uıymdastyrýǵa qatysyp, iri kompanııalarǵa jahandyq naryqtarǵa shyǵý jóninde keńes beredi. Nazarbaev Ýnıversıtetiniń úzdik túlekteriniń biri retinde ol bilim men balalardy damytý salasyna úles qosyp, CDF qoǵamdyq qorynyń negizin qalaǵan.
AQSh-tyń jańadan saılanǵan prezıdenti Donald Tramp ınaýgýraııasyn Kapıtolıı ǵımaratynda ótkizý týraly sheshim qabyldady. Bul dástúrli ashyq alańda ótkiziletin rásimnen erekshelenedi. Prezıdent aýa raıynyń qolaısyzdyǵyn jáne óz jaqtastarynyń densaýlyǵyn oılaǵanyn atap ótti.
