AQSh-tyń jańa saılanǵan prezıdenti Donald Tramp Ýkraına prezıdenti Vladımır Zelenskııdiń Máskeýmen "kelisimge kelgisi" keletinin málimdedi. Ol atysty dereý toqtatyp, kelissózder júrgizýge shaqyrdy, dep habarlaıdy"Adyrna" ulttyq portaly RIA Novostı agenttigine silteme jasap.
"Zelenskıı men Ýkraına kelisim jasaǵysy keledi jáne bul aqylǵa qonymsyz áreketterdi toqtatqysy keledi.Atysty dereý toqtatyp, kelissózder bastaý qajet. Tym kóp adam bekerden-beker qaza tapty, kóptegen otbasy buzyldy. Eger bul jalǵasa berse, budan da úlken ári jaman jaǵdaıǵa ákelýi múmkin," - dep jazdy Tramp áleýmettik jeli paraqshasynda.
Tramptyń aıtýynsha, Ýkraınaǵa qarsy soǵystyń saldarynan Reseı bıligi Sırııaǵa degen qyzyǵýshylyǵyn joǵaltqan. Onyń baǵalaýynsha, soǵysta qaza tapqan nemese jaralanǵan reseılik sarbazdardyń sany 600 myńǵa jýyq. Al Ýkraına qarýly kúshteriniń shyǵynyn ol 400 myń adam dep baǵalady.
Tramptyń Kıevtiń kelissózderge umtylýy týraly málimdemesi Ýkraına prezıdenti Vladımır Zelenskıımen kezdeskennen keıin kelesi kúni jarııalandy. Olardyń kelissózderi Parıjde, Franııa prezıdenti Emmanýel Makronnyń qatysýymen ótti.
Tramp AQSh prezıdenti saılaýynda jeńiske jetti. Onyń ınaýgýraııasy 20 qańtarda ótedi. Respýblıkashyl Tramp birneshe ret Ýkraınaǵa áskerı kómek kórsetýdi synǵa alyp, qaqtyǵysty kelissózder arqyly aıaqtaýǵa ýáde bergen.
