2024 jyldyŋ jeltoqsanynda Qazaqstanda infliasiia deŋgeiı aitarlyqtai joǧarylaǧan. Astanada jyldyq infliasiia 10,7%-dy qūrasa, Qaraǧandy oblysynda būl körsetkış 9,6%-ǧa jetken. Jalpy el boiynşa infliasiia deŋgeiınıŋ ösuı 10 öŋırde baiqaldy, dep habarlaidy "Adyrna" ūlttyq portaly.
2023 jyldyŋ soŋynda Qazaqstanda jyldyq infliasiia 8,6%-dy qūrady. Būl körsetkış ötken jylmen salystyrǧanda jedeldegenın körsetedı. Azyq-tülık baǧasy jyldyq mände 5,5%-ǧa qymbattady, äsırese, Jetısu men Türkıstan oblystarynda baǧanyŋ edäuır ösuı tırkeldı.
Türkıstan oblysynda azyq-tülıkke jatpaityn tauarlar da qymbattap, aitarlyqtai ösım baiqaldy. Eŋ tömengı infliasiia Pavlodar oblysynda tırkelıp, 5,3%-dy qūrady.
2024 jyldyŋ jeltoqsanynda ailyq infliasiia 0,9%-ǧa östı. Būl būǧan deiıngı ortaşa mänderden joǧary. Baǧanyŋ ösuı äsırese azyq-tülık jäne tūrmystyq qajettı tauarlarda aiqyn baiqaldy.
Būl turaly deputat Däulet Mūqaev öz paraqşasynda jazdy.
"Qymbatşylyq betımen ketıp barady. Mynau Astanadaǧy kartop baǧasy. Al antimonopoliialyq komitet jūmysy 0. Arzan dep jürgen Magnum özınde osyndai baǧa. Osy kezge deiın kelısı 150-180 teŋgeden edı. Qymbattaǧany kartop qana emes. Öspei jatqany ailyq qana...
Bızdıŋ elde onsyz da ortaşa jalaqynyŋ 52-56% tek qana azyq-tülıkke ketude. Ekonomikasy naşar Afrika elderımen para-par: Nigeriia elı 59%, Mianma (56,6%), Keniia 56,1%, Bangladeş (52,7%), Laos (50,6%) al Angola 49,7% jūmsaidy. 105 eldıŋ ışınde soŋǧy qatardamyz.
Al AQŞ ortaşa ailyqtyŋ 6,7%, Singapur halqy bolsa 8,4%, Britandyqtar 8,7% aqşasyn tamaqqa jūmsaidy. Soǧys bolyp jatqan Reseidıŋ özınde 29%, al Ukrainada 41,6% eken. Sonymen qatar Belarus halqy — 32,1%, Turkmenstan bolsa 36,9%, al özbekter 46,5% aqşasyn azyq-tülıkke jaratady", - dep jazdy ol.
Ūqsas jaŋalyqtar
