Reseıdiń Tergeý komıteti Qazaqstan aýmaǵynda 39 adamnyń qaza bolýyna jáne 28 adamnyń densaýlyǵyna zııan keltirgen «Ázerbaıjan áýe jelileri» áýe kompanııasynyń Embraer-E190 ushaǵynyń apatyna baılanysty tergeý amaldaryn jalǵastyryp jatyr, dep habarlaıdy “Adyrna” ulttyq portaly.
Bul týraly RF Tergeý komıtetiniń resmı ókili málimdedi.
«Reseıdiń Tergeý komıteti 2024 jylǵy 25 jeltoqsanda Qazaqstan Respýblıkasynyń aýmaǵynda 39 adamnyń qaza bolýyna jáne 28 adamnyń densaýlyǵyna zııan keltirilýine (RF QK 263-baby) ákelgen «Ázerbaıjan áýe jelileri» áýe kompanııasynyń Embraer-E190 ushaǵynyń apatqa ushyraýy boıynsha qylmystyq isti tergeý amaldaryn jalǵastyryp otyr», – delingen málimdemede.
RF Tergeý komıtetiniń habarlaýynsha, dıspetcherlik qyzmet, áýe qozǵalysyn uıymdastyrý júıesi jáne áýe shabýylyna qarsy qorǵanys júıesi laýazymdy tulǵalarynyń áreketin baǵalaý úshin keshendi uıymdastyrý-tehnıkalyq sot-medıınalyq saraptama komıssııasy taǵaıyndalǵan.
Memleketaralyq avıaııa komıteti, Ázerbaıjan men Qazaqstan quzyrly organdarymen birlesken tergeý jumystary júrip jatyr.
«Memleketaralyq avıaııa komıtetiniń mamandarymen birlese otyryp, Brazılııanyń avıaııalyq oqıǵalardy tergeý jáne aldyn alý ortalyǵynda (SENIPA) ushaqtyń ózdiginen jazǵysh quralyndaǵy derekter zerttelý ústinde», – delingen resmı habarlamada.
Sondaı-aq Groznyı, Mahachkala jáne Mıneralnye vody dıspetcherleri men ushaq komandıri arasyndaǵy áńgimeler taldanyp jatyr. Áýe kemesiniń júıeleri men zattaı aıǵaqtardy zertteý jumystary jalǵasýda.
Tergeý komıteti oqıǵa sebepterine qatysty barlyq yqtımal nusqalardy qarastyryp jatqanyn atap ótti.
Eske salsaq, 2024 jylǵy 25 jeltoqsanda Aqtaý qalasy mańynda Baký-Groznyı reısin oryndaǵan AZAL-ǵa tıesili jolaýshylar ushaǵy apatqa ushyraǵan edi. Bortta bolǵan 67 adamnyń 39-y qaza taýyp, 28-i aman qaldy.
