Mańǵystaý oblysynyń Borjaqty eldi mekeninde kene qaptady. Jıyrmaǵa jýyq sharýanyń qorasynan zııankester shyǵyp, mal zardap shegip jatyr. Sharýalar bul qurǵaqshylyq pen tórt túlikke jem-shóptiń jetispeýshiliginen týyndaǵan jaǵdaı dep otyr, dep habarlaıdy KTK.
«Bes botanyń ólgen sebebi keneniń kesiri. Qazir myna jyǵylǵanǵa judyryq dep kene de qaptap ketti. Kene ol jerdiń jamandyǵynan ǵoı bul qurǵaqshylyqtan sodan paıda bolady. Sosyn onyń ústine myna mal da aryq bular da boıyna ınfekııa alǵysh. Kene de sol aryq malǵa jabysady. Aýrýdyń bári maly aryq malǵa jabysady», - deıdi sharýa Berdihan Alenov.
Sharýalardyń aıtýynsha kene kóterem malǵa úıir bolady. Áleýmettik jelige salynǵan myna vıdeoda qaptaǵan kenelerdiń túıeni saýýǵa mursha bermeı jatqanyn kórýge bolady. Usaq jándikter maldyń qanyn soryp, túrli aýrý juqtyryp aqyr sońynda óltirip tynatyn kórinedi. Sharýalar keneden arylý úshin qoralaryn 2-3 kún saıyn ýlap jatqanyn aıtyp otyr. Biraq zııankestiń ketetin túri joq. Al veterınarııa basqarmasyndaǵylar keneden qutylý úshin maldyń qystap shyqqan qorasyn ýaqytyly tazalaý kerektigin jetkizdi. Alaıda, keneni ýlaýǵa arnaıy qarjy bólinbeıdi eken.
«Keneleý bul jańaǵy maldyń qorasyn mehanıkalyq tazalamaýdan, dezınfekııalamaýdan jáne de ártúrli etno-ekzoparazıtterge qarsy egilmeýinen bolatyn jaǵdaı. Negizi keneler kóbine qumdy jerde ómir súredi. Etnoparazıtterdiń kóbeıýiniń negizgi sebebi - ol maldy bir orynda jyl on eki aı boıy ustaý. Qorany dezınfekııalamaý. Dezınfekııalaýdyń aldynda birinshi mehanıkalyq tazalaý kerek», - deıdi Mańǵystaý oblystyq veterınarııa basqarmasynyń epızootııalyq qaýipsizdik bóliminiń bas mamany Ádilet qazturǵyn.
