Aqtauda Toyota Land Cruiser jürgızuşısı jaiau jürgınşıler ötkelınen ötıp bara jatqan balaly äieldı qaǧyp öltırdı, - dep habarlaidy ”Adyrna” ūlttyq portaly Lada.kz saityna sılteme jasap.
Qaiǧyly oqiǧa 20 jeltoqsanda 16 jäne 19-şaǧynaudandar arasynda bolǧan. Polisiia qyzmetkerlerı 23.45-te şaqyrtu tüskenın mälımdedı.
"Toyota Land Cruiser jürgızuşısı jaiau jürgınşıler ötkelınen ötıp bara jatqan jaiau jürgınşını qaǧyp kettı. Nätijesınde, 29 jastaǧy äiel alǧan jaraqatynan oqiǧa ornynda qaza boldy", - dedı oblystyŋ Polisiia departamentı ökılı.
Bes jasar qyz Maŋǧystau oblystyq balalar auruhanasyna jetkızılgenı, keiın ol da esın jimastan qaitys bolǧany belgılı boldy.
Būl derek Qylmystyq kodekstıŋ 345-baby 4-bölıgı "Kölik qūraldaryn basqaratyn adamdardyŋ jol jürısı nemese kölik qūraldaryn paidalanu qaǧidalaryn abaisyzda ekı jäne odan da köp adamnyŋ ölımıne äkep soqqan jaǧdaida būzuy" boiynşa sotaldy tergep-tekserudıŋ bıryŋǧai tızılımınde tırkelgen.
Qūqyq qorǧau organdary qazırgı uaqytta tergeu amaldary jürgızılıp jatqanyn mälımdedı. Sot-medisinalyq saraptama taǧaiyndaldy. Jürgızuşı uaqytşa ūstau izoliatoryna qamalǧan.
“Adyrna” ūlttyq portaly
