Türkıstan oblysynyŋ dezinfeksiialyq ortalyǧynyŋ bas direktory sybailas jemqorlyqqa qatysy bar degen küdıkpen ūstaldy, dep habarlaidy “Adyrna” ūlttyq portaly Antikor-ǧa sıltep.
«Sottyŋ ükımı boiynşa Töregeldiev 3 jylǧa bas bostandyǧynan aiyryldy, al Ozyqbaev 7,5 million teŋge kölemınde aiyppūl töleu jazasyna kesıldı», - delıngen habarlamada.
Şymkent qalasynyŋ Qylmystyq ıster jönındegı audanaralyq soty «Türkıstan oblysy boiynşa dezinfeksiialau ortalyǧy» RMK PVH filialynyŋ bas direktory Töregeldiev Q. men jeke serıktestık basşysy Ozyqbaeva D.-ǧa qatysty ükım şyǧardy.
Töregeldiev alaiaqtyq, para beruge itermeleu jäne nemqūrailylyq jasaǧany üşın, al Ozyqbaev para aluǧa ärekettengenı üşın kınälı dep tanylǧan.
«Töregeldievtıŋ RMK-da jürgızılıp jatqan tekseru mäselesın oŋ şeşu üşın lauazymdy tūlǧalarǧa para berdı degen jeleumen Ozyqbaevtyŋ 500 myŋ teŋge kölemındegı qarajatyn alaiaqtyq jolmen iemdengenı anyqtaldy», - delıngen habarlamada.
Sondai-aq, Töregeldievtıŋ qyzmettık mındetterın tiısınşe oryndamauynyŋ saldarynan oryndalǧan jūmystar turaly aktılerge ıs jüzınde oryndamai qol qoiyp, memleketke 2,2 million teŋge zalal keltırgenı habarlandy.
Sonymen bırge, atalǧan tūlǧalar memlekettık qyzmette lauazymdardy atqaru qūqyǧynan ömır boiyna aiyrylatyny atap ötılgen.
Ükım zaŋdy küşıne engen joq.
Ūqsas jaŋalyqtar
