Qyrǧyzstandyq belgılı änşı Qairat Primberdiev özıne qatysty qoǧamda tuyndaǧan dau-damaiǧa tüsınıkteme berdı. Būl turaly Instagram paraqşasyna video jariialady, dep habarlaidy “Adyrna” ūlttyq portaly.
Änşı «Airan» YouTube-arnasyna bergen sūhbatynda Kenesary hannyŋ basyn alu oqiǧasyn qozǧap, osy jaǧdai üşın qazaq halqynan öz atynan keşırım sūraǧan bolatyn.
«Ormon han Kenesary hannyŋ basyn aluǧa mäjbür boldy. Men öz atymnan qazaq halqynan osy oqiǧa üşın keşırım sūraǧym keledı. Būl oqiǧa men üşın de auyr, tıptı közıme jas keledı. Bız Kenesary hannyŋ basyn öz elıne jetkızıp, Qūran oqyp, osy oqiǧaǧa qatysty renıştı joiuymyz kerek», – dedı änşı sūhbat barysynda.
Sūhbattan keiın Primberdievtıŋ aituy boiynşa, onyŋ aitqan sözderıne qatysty äleumettık jelılerde türlı pıkırler men qarsylyqtar paida bolǧan. Bırqatar qoldanuşylar änşınıŋ būl taqyrypty kötergenın orynsyz dep eseptedı. Osydan keiın Qairat özınıŋ Instagram paraqşasynda video arqyly jaǧdaidy tüsındıruge mäjbür boldy.
«Men sūhbat bergende, men bükıl qyrǧyz halqynan emes, tek öz atymnan keşırım sūradym, būl öz sözım. Menıŋ sūhbatym bır saǧattan astam uaqytqa sozyldy, bıraq mümkın formatqa bailanysty şyǧar, degenmen tek menıŋ keşırım sūraǧan sözım, qysqa üzındısı ǧana jariialandy. Eger sūhbatty tolyq tyŋdasaŋyz, menıŋ sözderımnıŋ mänı, onyŋ şynaiylyǧy men adal nietım tüsınıktı bolar edı», — dedı änşı video habarlamasynda.
