Qyrǧyzstan äskeri ökılı Soiuzbek Satarov qyrǧyz-täjık arasyndaǧy äskeri qaqtyǧysta beiqamdyq tanytqan qyrǧyz azamattarynyŋ ruhyn jonu üşın Kenesaryn basyn alǧan qyrǧyz jıgıtterın söz etpek boldy. Jauynger qyrǧyz halqynyŋ azamattaryna beineündeu arqyly yqpal etpek bolǧan, dep habarlaidy "Adyrna" ūlttyq portaly.
Sonymen qatar, qyrǧyz äskerınıŋ ökılı äleumettık jelıde äskerilerge syn aitqan qyrǧyz halqyna renışın bıldıredı. Söz arasynda «Keşegı boiynda bar (ekıqabat) äielderdıŋ ışın jarǧan qazaqtyŋ Kenesarysynyŋ basyn alǧan qyrǧyz jıgıtterı emes pe edı...?» degendı ekı qaitalaidy.
Tarihi derektı būrmalap söilep, äskerınıŋ älsız ekenın moiyndaudan qaşyp, ekı el arasyna syna qaqpaq boldy dep jauyngerdı kınälap jatqandar da bar. Feisbuk qoldanuşysy Törtuyl Şaqan būǧan qatysty:
"Bızder «Qazaq pen Qyrǧyz bırtuǧan..» dep aityp jürmız! Aita da berermız!
Bıraq, aŋǧaldyǧynan ajal qūşqan Kenesaryny «ekıqabat äielderdıŋ ışın jarǧan—Kenesary» atandyryp otyramyz ba?
Han Kenesaryny bügın «joqtau» kerek bolsa—şekarany jabaiyq onda! Qyrǧyz jerındegı biznestı qaitaraiyq!
Arzan gaz ben mūnai önımı— janar-jaǧar mai berudı doǧaraiyq!
Ystyq kölge eşkım barmasyn! Sosyn ne bolmaq?
Qyrǧyz äskerilerınıŋ öz halqyna aitar ökpesı bar bolsa —qazaqty aralastyrmai— tarihty būrmalamai aitsyn.
Basqa sözınde bızdıŋ şaruamyz joq.
Bilıgı şekarasyn şegendep almaǧanyna Qazaq kınälı emes!
Qalai bolǧanda da, Qazaq pen Qyrǧyz halqy arasyna ot sala ottaǧandy qoiǧyzu kerek!" - dep pıkır bıldırdı.
Qyrǧyz äskeri ökılınıŋ Han Kenenıŋ ölımıne qatysty pıkırı tarihi derektermen eş üilespeidı. Tarihi ädebietterde Kenesary hannyŋ ölımıne qatysty tömendegıdei maǧlūmat berıledı.
Kenesary ūstalyp jäne tūtqynda üş aidai bolǧan, öitkenı qyrǧyzdar onymen ne ısteitının bılmegen. Sodan ony öltıru turaly şeşım qabyldandy. Köz jūmbas būryn Kenesary namaz oquǧa rūqsat sūraǧan. Basynan aiyryldy. Onyŋ basyn qyrǧyz manaby Ormon balauyz mörımen jazylǧan hatpenen Batys Sıbırdıŋ general-gubernatory Gorchakovqa syilap,qyrǧyzdardyŋ Resei imperiiasyna degen adaldyǧyn körsetkısı keldı."Adyrna" ūlttyq portaly
Ūqsas jaŋalyqtar
