Özbekstannyŋ bırınşı prezidentı İslam Karimovtyŋ qyzy Gülnara Karimova Taşkent oblysynyŋ Zangiatin audanynda ornalasqan №41 tüzetu mekemesıne auystyryldy, dep habarlaidy "Adyrna" ūlttyq portaly Orda.kz-ke sıltep.
Būǧan deiın Karimova №21 äielder koloniiasynda jazasyn ötep kelgen. Koloniiadan keter aldynda Gülnara Karimova jaqyn aralasqan sottalǧan äieldermen qoştasyp, olarmen qūşaqtasqan. Ony koloniia basşysy Gülruh Karimova jäne jazalardy oryndau basqarmasynan kelgen ökılder şyǧaryp saldy.
"Gülnara 5-6 chemodanymen baqytty küide kettı. Türmede jaqyn aralasqan qūrbylarymen qūşaqtasyp, qoştasty. Karimovany koloniianyŋ bastyǧy Gülruh Karimovamen GUİN-nen kelgender ony şyǧaryp saldy", – dedı sottalǧan äielderdıŋ bırı
Sottalǧan äielderdıŋ aituynşa, Karimovanyŋ auysuy 2023 jyldyŋ 19 jeltoqsanynda Taşkent oblysynyŋ Zangiatin audandyq sotynyŋ şeşımımen jüzege asqan. Būl şeşım Özbekstan qylmystyq kodeksınıŋ 74-baby (jazany jūmsartu) negızınde qabyldanǧan.
Degenmen, Özbekstan IIM baspasöz qyzmetı, jazalardy oryndau departamentı jäne ombudsmen keŋsesı būl aqparatty rastaǧan joq, bıraq joqqa da şyǧarmady.
Türme qyzmetkerlerınıŋ mälımdeuınşe, Gülnara Karimova jazasyn öteu tärtıbın bırneşe ret būzǧan. Ol mekeme erejelerın jiı būzyp, köptegen sögıs pen eskertu alǧan. Kei derekterge säikes, onyŋ auystyryluy koloniia äkımşılıgınıŋ ötınışı negızınde jüzege asqan. Karimova būl koloniiada jazasynyŋ üşten bır bölıgın ötegen.
Ūqsas jaŋalyqtar
