Ózbekstannyń qazirgi basshysy Shavkat Mırzıeıov burynǵy ókilettigin joqqa shyǵarǵan referendýmnan keıin qaıtadan prezıdent saılaýyna kandıdat boldy, dep habarlaıdy “Adyrna” ulttyq portaly.
Ózbekstanda saılaý merziminen buryn 9 shildede ótedi. Mırzıeevti Ózbekstannyń Lıberaldyq-demokratııalyq partııasy (UzLiDeP) usyndy. Ol Mırzıeevti 2016 jáne 2021 jyldardaǵy prezıdenttik saılaýǵa kandıdat retinde usynǵan.
«Barlyq jetistikter, sózsiz, Shavkat Mırzıeevtiń basshylyǵymen júrgizilgen reformalardyń nátıjesi» delingen partııa málimdemesinde.
Eske salaıyq, 8 mamyrda Ózbekstan kezekten tys prezıdent saılaýyn ótkizý týraly jarlyqqa qol qoıdy.
30 sáýirde bul elde konstıtýııalyq referendým ótken. Sarapshylar bul reformalar el prezıdentiniń ókilettigin bes jyldan eki merzimdik jeti jylǵa deıin uzartý úshin ótti dep esepteıdi. Ózbekstan azamattary osy túzetýlerge daýys berdi dep habarlanǵan soń, Shavkat Mırzıeevtiń buǵan deıingi prezıdenttik merzimi nólge teńestirildi. Ol joǵary bılikke 2016 jyly Islam Karımov qaıtys bolǵan soń, premerlikten kelgen edi.
