Ulttyq qoǵamdyq densaýlyq saqtaý ortalyǵynyń basshysy Aıjan Esmaǵambetova Qazaqstanda metapnevmovırýs taralýyna baılanysty karantın engizý josparda joq ekenin aıtty, dep habarlaıdy "Adyrna" ulttyq portaly.
Aıjan Esmaǵambetovanyń aıtýynsha, qazirgi ýaqytta elimizdegi epıdemıologııalyq jaǵdaı turaqty.
"Biz epıdemıologııalyq maýsymnyń ortasyndamyz. Ótken jylmen salystyrǵanda aýrýshańdyq 20 paıyzǵa tómen. Alaıda qańtar aıynda ádette aýrýdyń ósýi baıqalyp, aqpan aıynyń ortasyna qaraı tómendeıdi. Qazir karantındik nemese shekteý sharalaryn engizýge esh negiz joq. Biz aýrýshańdyq pen vırýstyń taralýyn kún saıyn derlik qadaǵalap otyrmyz", – dedi ol Facebook paraqshasynda jarııalaǵan vıdeoda.
Esmaǵambetovanyń aıtýynsha, densaýlyǵy myqty jáne ımmýnıteti jaqsy adamdarda vırýs sımptomsyz ótýi múmkin.
"Vırýstyq ınfekııalarmen, tumaýmen nemese tumaýǵa uqsas ınfekııalarmen aýyrǵan kezde olardyń asqynýlary qaýiptirek. Metapnevmovırýs pnevmonııa, otıt jáne tynys alý organdaryna qatysty jáne basqa da kez kelgen asqynýlar týdyrýy múmkin", – dep atap ótti Esmaǵambetova.
Sonymen qatar, Esmaǵambetova qazaqstandyqtarǵa adamdar kóp jınalatyn oryndardan aýlaq bolýdy, maska taǵýdy jáne bólmelerdi jıi jeldetýdi usyndy.
Eske sala keteıik, jeksenbi kúni Qytaıda metapnevmovırýs (hMPV) dep atalatyn jańa vırýstyq aýrýdyń órshýi tirkelgen edi. Vırýs tez taralýyp, saldarynan aýrýhanalar naýqastarǵa lyq tolǵan.
