Qazaqstan aýmaǵynda kıik aýlaý ýaqytsha toqtady. Bul týraly Parlament Májilisinde orman qorǵaý taqyrybyna arnalǵan Úkimet saǵatynan keıin Qazaqstan Respýblıkasynyń Ekologııa jáne tabıǵı resýrstar mınıstri Erlan Nysanbaev málimdedi, dep habarlaıdy “Adyrna” ulttyq portaly.
«Otandyq ǵalymdarmen jáne halyqaralyq sarapshylarmen keńesip, pikirtalas júrgizgennen keıin kıik atý toqtatyldy. Sonymen qatar, qazir qys kezinde dalada júrý qıyndady. Sondyqtan 10 aqpannan bastap kıikterdiń sanyn retteý proesin toqtattyq», - dedi mınıstr Erlan Nysanbaev.
Mınıstrdiń aıtýynsha, kıik aýlaý jumystary kelesi jyly qaıta jalǵasady.
«Byltyrǵy tájirıbeni eskere otyryp, bıyl egjeı-tegjeıli esep júrgiziledi. Aldyn ala esepteý boıynsha shamamen 40 paıyz ósim boldy. Jalpy, byltyrǵy ósimdi esepke alǵanda tóldeıtin ýaqytta shamamen 2,5-2,6 mıllıon bas bolady. Tipti pessımıstik jaǵdaıda da bıyl ósim baıqalady», - dedi ol.
