Memleket basshysy Qasym-Jomart Toqaev Oman syrtqy ister mınıstri Badr ál-Býsaıdıdi qabyldady, dep habarlaıdy “Adyrna” ulttyq portaly.
Prezıdent Badr ál-Býsaıdıge iltıpat bildire otyryp, Omandy Qazaqstanyń senimdi ári ýaqyt tezinen ótken seriktesi dep atady. Sondaı-aq eki el arasyndaǵy yntymaqtastyqty odan ári damytýǵa beıil ekenin jetkizdi.
Prezıdenttiń aıtýynsha, Qazaqstan men Oman ekijaqty deńgeıdegi, sonymen qatar óńirlik jáne halyqaralyq kún tártibindegi ózara yqpaldastyqty damyta alady. Oǵan aıtarlyqtaı áleýet bar.
Memleket basshysy oraıly sátti paıdalanyp, Oman Sultany Haısam ben Tarıqqa sálemin joldap, ony elimizge saparmen kelýge shaqyrdy.
"Qazaqstannyń Oman memleketine qurmeti erekshe. Sizdiń elińizge azamattarymyzdyń, sonyń ishinde kásipkerlerdiń, mádenıet qaıratkerleriniń qyzyǵýshylyǵy óte joǵary. Sondyqtan yntymaqtastyǵymyzdy jan-jaqty jáne tabysty ete túsý úshin oǵan tyń serpin berý qajet", - dedi Qasym-Jomart Toqaev.
Oman syrtqy saıasat vedomstvosynyń basshysy qonaqjaılyq tanytqany úshin Prezıdentke alǵys aıtyp, bul eki el arasyndaǵy ózara qurmettiń joǵary deńgeıin kórsetetinin atap ótti.
"Qazaqstannyń damýyna zor qyzyǵýshylyqpen qaraımyz. Elińiz ben halqyńyzdyń ıgiligi jolynda atqaryp jatqan aýqymdy reformalaryńyz bizdi qaıran qaldyrady. Qazaqstan ekonomıkasynyń ósý qarqyny, beıbitshilik pen qaýipsizdikti saqtaý úshin elińizdiń osy aımaqtaǵy tatý kórshilik baılanystardy nyǵaıtýdaǵy negizgi róli men yqpaly tańǵaldyrady. Ádildik pen barshaǵa ortaq beıbitshilikke, qaýipsizdik pen órkendeýge baǵyttalǵan syrtqy saıasattaǵy ustanymyńyzdy joǵary baǵalaımyz", - dedi dıplomat.
Kezdesý barysynda kólik-logıstıkalyq, aýylsharýashylyq, mádenı-gýmanıtarlyq jáne ıfrlandyrý salalaryndaǵy yntymaqtastyq perspektıvasy qarastyryldy. Sondaı-aq ózara baılanystardy nyǵaıtýǵa septigin tıgizetin eki el arasyndaǵy tikeleı áýe qatynastaryn ashý máselesi talqylandy.
Budan bólek, Qasym-Jomart Toqaev pen Badr ál-Býsaıdı óńirlik qaýipsizdikke jáne kópjaqty uıymdar aıasyndaǵy yqpaldastyqqa qatysty ózekti máseleler boıynsha pikir almasty.
