Prezıdent Qasym-Jomart Toqaevtyń «Ana tili» gazetine bergen suhbaty jarııalandy. Onda Memleket basshysy Qazaqstannyń eks-prezıdenti Nursultan Nazarbaevtyń bılikten ketkennen keıingi áreketi týraly aıtty, dep habarlaıdy “Adyrna” ulttyq portaly.
“Kez kelgen dáýirdiń jaqsy jaǵy da, kóleńkeli tustary da bar. Bizdiń jańa tarıhymyzda jarqyn sátter áldeqaıda kóp boldy. Bul – aqıqat. Salystyrmaly túrde alǵanda, qysqa merzim ishinde memlekettigimizdiń berik tuǵyry qalyptasty, bılik ınstıtýttary quryldy, jańa astanamyz boı kóterdi, shekaramyz shegendelip, zań júzinde bekitildi. Kóptegen elmen tıimdi qarym-qatynas ornatyldy, ekonomıkaǵa shetelden ınvestıııa tartyldy. Osy jetistiktiń bárin joqqa shyǵarý durys bolmas edi. Biz ádiletti memleket quramyz desek, tarıhqa da, ony jasaýǵa atsalysqan azamattarǵa da ádil qaraýymyz kerek. Munyń bári, túptep kelgende, ulttyń bolashaǵy úshin qajet. Ótkendi oı eleginen ótkizip, ony ádil ári shynaıy baǵalaı almasaq, alǵa senimmen qadam basa almaımyz. Saıası ahýaldyń yqpalymen óz tarıhyńdy kópe-kórineý burmalaı berýge bolmaıdy. El shejiresin basynan bastap qaıta jazý tipti qaýipti”, - dedi Toqaev.
Prezıdenttiń aıtýynsha, Nazarbaevtyń kezinde kemshilikter bolǵan.
“Árıne, Nursultan Nazarbaev uzaq jyl boıy el tizginin ustaǵan ýaqytta kemshilikter boldy. Biraq eshteńe istemegen adam ǵana qatelespeıdi. Ashyǵyn aıtý kerek, ol otstavkaǵa ketkenimen, Qaýipsizdik Keńesiniń tóraǵasy bolyp otyrǵan kezde saıası sypaıylyqty saqtaı bermeıtin. Muny da aıta ketken jón. Únemi Premer-Mınıstrdi, Ulttyq banktiń tóraǵasyn, mınıstrlerdi, ákimderdi shaqyryp alyp, jınalys ótkizetin. Buǵan óz azamattarymyzdy bylaı qoıǵanda, shetel basshylary men dıplomattary da tańdana qaraıtyn. «Nazarbaev qyzmetinen ketken soń tipti joǵarylady, endi Prezıdent te oǵan baǵynady» degen ázil áńgime de paıda boldy. Al, shyn máninde, bul ázildeıtin jaǵdaı emes edi.
Bul jaǵdaı qosarlanǵan bılik týraly alyp qashpa áńgimeniń órshýine ákep soqty. Sheneýnikter de kabınetten kabınetke júgirip, kimniń tapsyrmasyn oryndaıtynyn bilmeı dal bolatyn. Ol az deseńiz, keıbir sheneýnikter «Elbasy ınstıtýty Prezıdent bıliginen joǵary turýǵa tıis» dep, aqylǵa syımaıtyn jaǵdaıdy zań júzinde negizdemek boldy, - deıdi Memleket basshysy.
Sondaı-aq Nazarbaevtyń Aqordaǵa qaıtyp kelýi múmkin ekenin aıtqany naǵyz bılik daǵdarysyn týyndatqan.
Nursultan Nazarbaevtyń 2021 jylǵy qarashada ótken Astana Club jıynynda 92 jastaǵy Mahathır Mohamadty mysalǵa keltirip, óziniń Aqordaǵa qaıtyp kelýi múmkin ekenin málimdeýin jáne burynǵy prezıdenttiń sol jyly jeltoqsan aıynda Sankt-Peterbýrg qalasynda ótken TMD elderiniń sammıtine qatysýyn naǵyz bılik daǵdarysyna ákep soqtyrǵan negizgi oqıǵalar deýge bolady. Sonyń aldynda ǵana jergilikti bir saıasattanýshy oǵan «Elbasynyń altyn dáýirin» qalpyna keltirý úshin batyl sharalar qabyldaý qajettigin aıtyp, arandatýshylyq mazmundaǵy hat joldaǵan edi.
Alaıda qazir parasattylyq tanytyp, Nursultan Nazarbaevtyń Qazaqstanǵa sińirgen tarıhı eńbegin laıyqty baǵalaý kerek. Men Prezıdent retinde memleket múddesin basshylyqqa alýǵa, el birligin bárinen bıik qoıýǵa mindettimin.
Sizdiń suraǵyńyzǵa kelsek, qazir biz shamamen aıyna bir ret telefon arqyly sóılesip turamyz”, - dedi Memleket basshysy.
Prezıdenttiń osydan bir jyl buryn da, 2024 jyly 3 qańtarda «Egemen Qazaqstan» gazetine bergen kólemdi suhbaty jarııalanǵan. Sonda Prezıdent ishki jáne syrtqy saıasat, eldiń áleýmettik-ekonomıkalyq damýy, 2022 jylǵy Qańtar oqıǵasy, turmystyq zorlyq-zombylyq, atom elektr stanııalarynyń qurylysy jáne basqa da ózekti taqyryptarǵa qatysty suraqtarǵa jaýap bergen edi.
