Memleket Basşysy Qasym-Jomart Toqaev "Ortalyq Aziia – Europalyq Odaq" köşbasşylarynyŋ ekınşı kezdesuınde söz söiledı. Euroodaqtyŋ Qazaqstannyŋ eŋ ırı sauda serıktesı ekenın aityp, onyŋ ülesıne syrtqy saudanyŋ 40%-dan astamy tiesılı ekenın tılge tiek ettı. Eldıŋ Europaǧa mūnai tasymaldau maqsatyna maŋyz qoiyp otyrǧanyn habarlady. Būl jaily "Adyrna" ūlttyq portaly Aqordanyŋ baspasöz qyzmetıne sılteme körsete otyryp jazady.
Toqaevtyŋ aituynşa, energetikalyq sektor Qazaqstan men Europalyq Odaqtyŋ bailanysyn jandandyrǧan basty baǧyttardyŋ bırı.
- Energetika sektory Qazaqstannyŋ Europalyq Odaqpen özara ıs-qimylyndaǧy basty baǧyttardyŋ bırı. Bız energiia resurstaryn tasymaldau baǧyttaryn jandandyru jūmysyna maqsatty türde den qoiamyz. Qazırgı uaqytta Qazaqstan mūnaiynyŋ 80%-y Kaspii qūbyrynyŋ konsorsiumy arqyly Europaǧa tasymaldanady. Ortaq müddelerge iek arta otyryp, strategiialyq maŋyzdy mūnai qūbyry arqyly ūzaq merzımdı jäne tūraqty mūnai tasymaldaudy qamtamasyz etu üşın EO tarapynan qoldau kütemız, - dedı prezident.El basşysy Äzırbaijan memleketımen aradaǧy energetikalyq bailanystarǧa toqtaldy.
- Äzırbaijandyq serıktestermen tyǧyz yntymaqtastyq ornatyp, Transkaspii baǧytyn da damytyp jatyrmyz. Mysaly, osy jyldyŋ basynan bastap jylyna 1,5 million tonna kölemındegı "Aqtau – Baku – Tbilisi – Djeihan" baǧyty boiynşa qazaqstandyq mūnaidy jöneltu bastaldy. Sonymen qatar, bız "Aqtau – Batumi" baǧyty boiynşa mūnai eksportyn keŋeitudı, Transkaspii marşrutynyŋ qūbyrlary arqyly mūnai jöneltu kölemın ūlǧaitudy josparlap otyrmyz. Qazaqstan Germaniiaǧa "Drujba"qūbyry arqyly mūnai jetkızudı jüzege asyra bastady. Aǧymdaǧy jyldyŋ basynan berı 90 myŋ tonna kölemınde mūnai jetkızıldı. Būl körsetkıştı bolaşaqta ony ūlǧaitu mümkındıgımen jylyna 1,2 million tonnaǧa deiın jetkızu äleuetı bar", - dedı Toqaev.Memleket basşysy, sonymen qatar, Qazaqstan Europalyq Odaqtaǧy serıktesterıne 60-tan astam ken ornyn igerude jeŋıldık beruge daiyn ekendıgın aitty.
«Bız europalyq serıktesterımızge Qazaqstan aumaǧyndaǧy 60-tan astam baǧaly ärı tüstı metalldar ken oryndaryn barlauǧa jäne öŋdeuge jeŋıldık beruge daiynbyz», - dedı Prezident.
"Adyrna" ūlttyq portaly
Ūqsas jaŋalyqtar
#Toqaev
Europalyq odaq
mūnai qūbyry
kaspii baǧyty
äzırbaijan serıktestıgı
energetika salasy
reseisız tasymal
reseidı ainalyp ötetın baǧyt
