Túrikmen halqynyń ulttyq kóshbasshysy, Túrikmenstan Halyq Maslahatynyń tóraǵasy Gýrbangýly Berdimuhamedov Anaý qalasyndaǵy jańa meshittiń ashylýyna qatysyp, aýyzashar berdi, dep habarlaıdy «Adyrna» tilshisi «Týrkmenıstan: Zolotoı vek» basylymyna silteme jasap.
Keshenniń qurylymynda sadaqa men rásimderge arnalǵan arnaıy ǵımarat bar. Nysanǵa irgeles aýmaq tolyǵymen abattandyrylǵan.
Meshitte eks-prezıdentti el múftıi, Halyq máslıhaty aqsaqaldar keńesiniń jáne «Qamqorlyqqa muqtaj balalarǵa kómek kórsetý» qaıyrymdylyq qory aqsaqaldar keńesiniń músheleri qarsy aldy.
Gýrbangýly Berdimuhamedov kópshilikti Oraza aıynda jańa meshittiń ashylýymen quttyqtap, onyń 2024 jyly Anaý qalasyn Túrki áleminiń mádenı astanasy dep jarııalaýǵa baılanysty mádenı-buqaralyq is-sharalarmen tuspa-tus kelgenin atap ótti.
