Ózbekstan men Túrkimenstan arasynda erkin saýda rejımi kúshine endi. Bul týraly Ózbekstannyń Investıııalar, ındýstrııa jáne saýda mınıstrliginiń (MIIT) baspasóz qyzmeti málimdedi, dep habarlaıdy “Adyrna” ulttyq portaly Fergana agenttigine siltep.
Jańa rejım aıasynda 25 aqpannan bastap eki eldiń aýmaǵynda óndirilgen taýarlar úshin kedendik baj salyǵy alynyp tastaldy, ózara saýdada shekteýler joıyldy jáne saýda rásimderi jeńildetildi. Máselen, Túrkimenstannan ákelinetin ementke (kedendik baj 100% boldy), tekstılge (50%), jıhazǵa (50%), shyny ydysqa (50%), sý jylytqyshtarǵa (15%), plastmassa jáne polıpropılen buıymdaryna (10%), shujyqtar men et ónimderine (kedendik baj 2 dollar/kg), maqta maıyna (1 dollar/kg) kedendik baj salyǵy alynyp tastaldy.
Mınıstrlik atap ótkenindeı, bajsyz saýda rejımin engizý taýar aınalymynyń artýyna jáne eki el arasyndaǵy ınvestıııalyq yntymaqtastyqtyń damýyna yqpal etedi.
2024 jyldyń qorytyndysy boıynsha Ózbekstan men Túrkimenstan arasyndaǵy taýar aınalymy 1,14 mıllıard dollardy qurap, ótken jylmen salystyrǵanda 5,5% ósti.
Buǵan deıin eki el arasynda Ózbekstannyń Horezm oblysyndaǵy Shavat aýdanynda erkin saýda aımaǵyn qurý týraly habarlanǵan bolatyn. Úkimetter arasyndaǵy kelisim 2021 jylǵy 5 qazanda qol qoıylǵan. 2022 jyldyń shilde aıynda Ózbekstan men Túrikmenstan prezıdentteri bul jospardy rastady jáne Tashkent pen Ashhabadta eki respýblıka arasynda saýda úılerin ashýdy sheshti. Sol jyldyń qazan aıynda Shavkat Mırzııoev pen Serdar Berdymýhamedov «Horezm – Dashogýz» shekaralas saýda aımaǵynyń qurylysyn bastaý rásimine qatysty.
Aımaq 30 jyl merzimge quryldy, merzimi uzartylýy múmkin. Onda tek osy eki elde óndirilgen ónimderdi «erkin keden aımaǵy» rejıminde satý ruqsat etiledi. Aımaqqa kirý tek arnaıy ótkizý pýnktteri arqyly júzege asyrylady, al Túrkimenstan azamattary men Ózbekstanǵa keletin sheteldikter aımaqta 15 kúnge deıin vıza almaı júre alady.
