FlyArystan áýe kompanııasy qarajattyń urlanǵanyn rastap, kinálilerdi anyqtaý úshin quqyq qorǵaý organdaryna júgingenin málimdedi, dep habarlaıdy "Adyrna" ulttyq portaly.
Bul aqparat Air Astana áýe kompanııasy Telegram-arnasynda jarııalady.
"FlyArystan áýe kompanııasynyń basshylyǵy qarajattyń urlaný faktilerin anyqtap, táýelsiz tergeý júrgizý úshin aýdıtorlyq kompanııaǵa júgindi. Tergeý nátıjesinde urlyq faktileri rastalyp, kinálilerdi anyqtap, materıaldyq shyǵyndy óteý úshin áýe kompanııasy quqyq qorǵaý organdaryna júgindi", – delingen habarlamada.
Kompanııa bul somany 9 aıǵa arnalǵan qarjylyq eseptilikte tolyq esepke alǵanyn málimdedi. Tergeý múddesi úshin qosymsha málimetter jarııalanbaıtynyn baspasóz qyzmeti atap ótti.
Sonymen qatar, jýrnalıst Mıhaıl Kozachkov óziniń Telegram-arnasynda aýdıt júrgizgen mamandardyń derekterine súıene otyryp, keıbir tulǵalardyń avıabıletterdi brondaý boıynsha aqparattyq júıege ózgerister engizý arqyly senip tapsyrylǵan múlikti jymqyrǵanyn jazǵan bolatyn.
"Sotqa deıingi tergeý qylmystyq kodekstiń 189-babynyń 4-bóligi boıynsha tirkelgen – asa iri kólemde urlyq jasaý. Zalal somasy retinde 1 mıllıard 54 mıllıon 710 myń teńge kórsetilgen", – delingen Kozachkovtyń jarııalanymynda.
