AQSh pen Japonııa Ýkraınadaǵy jaǵdaıǵa baılanysty Reseıge qarsy jańa sankııalar saldy. Bul týraly Reuters agenttigine jarııalady, dep habarlaıdy “Adyrna” ulttyq portaly.
AQSh Reseıdiń tehnologııa salasyna qarsy jańa sankııalar saldy. Eldiń Qarjy mınıstrligi 13 jeke tulǵa men 21 uıymǵa sankııa saldy, onyń ishinde Reseıdegi eń iri mıkroelektronıka óndirýshisi "Mıkron" akıonerlik qoǵamy bar.
Sankııaǵa ushyraǵandar arasynda Máskeýdegi "Sernııa Injınırıng" jáne jabdyq óndirýshi "Sertal" kompanııasy bar. Qarjy mınıstrligi olardy Reseı qorǵanys sektory úshin azamattyq maqsatta qoldanylýy múmkin jabdyqtar men tehnologııalardy zańsyz satyp aldy dep aıyptady.
Sonymen qatar, japon bıligi Soltústik Koreıadaǵy qarý-jaraq jobalaryna qatysqany úshin tórt reseılik uıym, úsh reseılik jeke tulǵa jáne soltústik koreıalyq alty jeke tulǵanyń aktıvterine tyıym saldy, dep habarlady Reuters.
Japonııa Syrtqy ister mınıstrliginiń málimdemesine sáıkes, tizimge reseılikter Aleksandr Gaevoı, Aleksandr Chasovnıkov jáne Roman Alar, sondaı-aq "Apollon", "RK Brız", "Zıl - M" jáne "Parsek" kompanııalary kiredi. Olarǵa Soltústik Koreıanyń ıadrolyq jáne ballıstıkalyq jobalaryna qatysty degen aıyp taǵylyp otyr. Endi olardyń Japonııadaǵy barlyq aktıvine tyıym salynady, dep habarlady mınıstrlik.
Buǵan deıin Japonııa reseılikterdiń kapıtalyn buǵattap, Reseı azamattaryna vıza berýge tyıym salǵan bolatyn. Onyń ústine, el bıligi Belarýs úkimetiniń joǵary laýazymdy sheneýnikterine qarsy sankııa salýdy qarastyryp jatyr.
“Adyrna” ulttyq portaly
