Reseilık Margarita Simonian «Eho» radiostansiiasyna bergen sūhbatynda Qazaqstanǧa äsker jıberu arqyly «barmaleilermen» küresuge daiyn ekenın aityp, kezektı ret dauly mälımdeme jasady, dep habarlaidy "Adyrna" ūlttyq portaly QazTAG agenttıgıne sıltep.
«Men Ukrainada, Siriiada jäne eger taǧy da şaqyrsa, Qazaqstandaǧy qandai da bır "barmaleilermen" küresu üşın (soǧysudy) özımızge mümkındık bere alatyn bolsaq, öte baqytty bolar edım», – dedı Simonian.Al “Barmalei” Kornei Chukovskiidıŋ doktor Aibolit turaly ertegılerındegı zūlym, tonauşy ärı kannibal keiıpker retınde tanymal. QazTAG redaksiiasy «Rossiia Segodnia» agenttıgınıŋ bas redaktory bolyp tabylatyn Simonianǧa sūraqtar joldap, onyŋ «barmalei» dep kımdı meŋzegenın jäne 2022 jylǧy Qaŋtar oqiǧalaryna qatysty pıkırın naqtylaudy sūrady. Būl Simoniannyŋ Qazaqstanǧa qatysty alǧaşqy janjal tudyruy emes. 2022 jylǧy aqpanda Qazaqstannyŋ separatistık «DNR» men «LNR»-dı moiyndamau turaly mälımdemesıne ol narazylyq bıldırıp, mūny «alǧyssyzdyq» dep ataǧan edı.
«Bız olardy ne üşın qūtqardyq sonda?» – dep, ol Qaŋtar oqiǧalary kezınde Qazaqstanǧa ŪQŞŪ küşterın engızudı meŋzegen bolatyn.Deputat Aidos Sarym Simoniannyŋ būl mälımdemesıne qatysty pıkır bıldırdı.
"Qūdaiǧa şükır, Margarita Simonian – Qazaqstannyŋ syrtqy saiasatyna äser etetın tūlǧa emes, ol ministr de, deputat ta emes", – dedı.Simoniannyŋ küieuı, taǧy bır reseilık nasihatşy Tigran Keosaian da Qazaqstanǧa qarsy pıkırlerımen tanymal. 2022 jylǧy säuırde onyŋ Qazaqstanǧa qoqan-loqy jasap, qorlaǧan sözderı el ışınde jäne halyqaralyq deŋgeide narazylyq tudyrǧan bolatyn.
Ūqsas jaŋalyqtar
