2025 jyly Reseıdiń bıýdjet shyǵyndarynyń 41%-y áskerı maqsattarǵa jumsalatyn bolady. Prezıdent Pýtın úsh jyldyq bıýdjet týraly zańǵa qol qoıyp, áskerı shyǵyndardy 25%-ǵa arttyrmaq, dep habarlaıdy "Adyrna" ulttyq portaly DW-ge silteme jasap.
Reseı prezıdenti Vladımır Pýtın 2025-2027 jyldar aralyǵyndaǵy memlekettik bıýdjet týraly zańǵa qol qoıdy. 1 jeltoqsanda quqyqtyq aqparat portalynda jarııalanǵan qujat Reseıdiń jańa tarıhyndaǵy áskerı shyǵyndardyń rekordtyq deńgeıge jetkenin kórsetedi.
2025 jyly "Ulttyq qorǵanys" baby boıynsha shyǵyndar 13,5 trıllıon rýbldi (Reseı JIÓ-niń 6,31%-y jáne el shyǵyndarynyń 41%-y) quraıdy. Bul 2024 jylmen salystyrǵanda shamamen 25%-ǵa kóp. Kelesi jyldary áskerı shyǵyndar sál tómendeıdi. Iaǵnı, 2026 jyly 12,8 trln rýbl, al 2027 jyly 13,1 trln rýbl bolady dep josparlanǵan.
Buǵan deıin Reseıdiń qarjy mınıstri Anton Sılýanov jańa bıýdjette kúshtik qurylymdardyń jabyq baptar boıynsha shyǵyndarynyń artqanyn aıtqan. Reuters agenttigi barlyq shyǵyndardyń shamamen úshten bir bóligi jarııalanbaıtynyn málimdedi.
Barlyq úsh jyl boıy memlekettik bıýdjet tapshylyqty kórsetedi (2025 jyly JIÓ-niń 0,5%-y, 2026 jyly 0,9%, al 2027 jyly 1,1%).
21 qarashada Memlekettik Dýma 2025 jáne 2026-2027 jyldarǵa arnalǵan federaldyq bıýdjet týraly zańdy qabyldady, al 27 qarashada Federaııa Keńesi ony maquldady.
