Reseı Federaııasynan asa iri mólsherde alaıaqtyq jasaǵan Ózbekstan azamaty ekstradıııalandy. Ol almatylyqtardy 3,7 mlrd teńgege aldap soqty degen kúdikke ilinip otyr. Bul týraly búgin, 23 jeltoqsanda Bas prokýratýra aıtty, dep habarlaıdy «Adyrna» tilshisi.
Er adam 2005-2007 jyldar aralyǵynda Almaty qalasyndaǵy qurylys kompanııasynda býhgalter bolyp jumys istegen.
«Ol úlestik qurylysqa qatysýshylardan aqsha qabyldaǵan. Turǵyn úı kesheniniń aıaqtalmaǵan qurylys obektisi boıynsha jalǵan túbirtekter jazǵan», - delingen habarlamada.
Esepshiniń jáne onyń sybaılastarynyń zańsyz áreketinen soń Almaty qalasynyń 80-nen astam turǵyny 3,7 mlrd teńge shyǵynǵa ushyraǵan. Mundaı zań buzýshylyqtar úshin esepshiniń bir sybaılasy sottalǵan. Al esepshi izin sýytyp, qashyp ketken. Budan soń oǵan quzyrly organ halyqaralyq izdeý jarııalady.
«Ótken jyldyń jeltoqsan aıynda izdeýde júrgen adam Reseı Federaııasynyń Krasnodar ólkesinde ustaldy, sodan keıin Qazaqstan Respýblıkasy Bas prokýratýrasynyń suraý salýy boıynsha Qazaqstanǵa ekstradıııalandy. Qazirgi ýaqytta kúdikti tergeý ızolıatoryna qamaldy. Aıyptaǵan qylmys jasaǵany úshin múlki tárkilenip, bes jyldan on jylǵa deıingi merzimge bas bostandyǵynan aıyrý jazasy qarastyrylǵan», - delingen Bas prokýratýra habarlamasynda.
