Europalyq keŋestıŋ töraǧasy Reseidıŋ Ukrainadaǧy azamattyq nysandarǧa jasaǧan soqqylaryn qataŋ aiyptady, dep habarlaidy "Adyrna" ūlttyq portaly.
Ol 16 säuırge qaraǧan tünı jasalǧan şabuyldarǧa qatysty X jelısınde pıkır bıldırdı. Koştanyŋ aituynşa, Resei Ukrainaǧa qarsy agressiialyq soǧysta maqsatyna jete almaǧan soŋ, sanaly türde beibıt halyqty terrorlauǧa köşken.
«Ötken tünı Resei Ukrainadaǧy azamattyq nysandarǧa taǧy da joiqyn soqqy jasady. Adamdar üilerınde ūiyqtap jatqan kezde Kiev, Dnepr, Odessa jäne Harkov qalalaryna ondaǧan ballistikalyq zymyran men jüzdegen dron baǧyttaldy. Resei qaruly küşterı qūtqaruşylar oqiǧa ornyna kelgende, olarǧa qaita-qaita soqqy jasaǧan», — dedı ol.
Koşta Reseidıŋ būl «terrorlyq soǧysyn» toqtatuy tiıs ekenın atap öttı. Onyŋ aituynşa, Ukrainada BŪŪ Jarǧysy men halyqaralyq qūqyq qaǧidattaryna negızdelgen ädıl ärı tūraqty beibıtşılık ornauy qajet.
Sonymen qatar, Euroodaq mūndai beibıtşılıkke qol jetkızu üşın Reseige qysymdy odan ärı küşeitıp, Ukrainaǧa qoldau körsetudı jalǧastyratynyn jetkızdı.
Öz kezegınde Ukraina prezidentı Vladimir Zelenskii Reseige qarsy sanksiialardy älsıretpeuge şaqyrdy.
Ol X jelısınde Reseidıŋ äreketterıne qatysty pıkır bıldırıp, «Reseige qatysty eşqandai jeŋıldık nemese sanksiialardy alyp tastau bolmauy tiıs» dedı.
Zelenskiidıŋ mälımetınşe, 15 säuır künı men 16 säuırge qaraǧan tünı Resei Ukraina aumaǧyna şamamen 700 ūşqyşsyz ūşu apparatyn, 19 ballistikalyq zymyran jäne qanatty zymyrandar ūşyrǧan. Ballistikalyq zymyrandardyŋ basym bölıgı Kiev qalasyna baǧyttalǧan.
«Qazırgı jaǧdaida Reseimen qarym-qatynasty qalypqa keltıru mümkın emes. Qysym jalǧasuy tiıs», — dedı Ukraina basşysy.
