"Qazaqmys" kenishinde jumysshy qaıtys boldy, dep habarlaıdy "Adyrna" tilshisi Kazinform-ǵa siltep.
Ulytaý oblysyndaǵy «Jylandy» kenishinde 31 jastaǵy mashınıst mert boldy. Shahta ýchaskeleriniń birinde bolǵan jazataıym oqıǵanyń mán-jaıy anyqtalýda.
««Qazaqmys» kompanııalar toby Ulytaý oblysynda ornalasqan «Jylandy» kenishinde 26 jeltoqsan kúni qaıǵyly oqıǵa bolǵanyn qaıǵyra habarlaıdy.
Saǵat 18.30-da shahta ýchaskeleriniń biri – «Shyǵys Sary-Obada» ózdigimen júretin jerasty mashınasynyń óndiris ornyna qozǵalysy barysynda júrgizýshi 1992 jyly týǵan mashınıstti abaısyzda basyp ketti. Saldarynan jumysshy ólimge alyp kelgen aýyr jaraqattar aldy.
«Qazaqmys» kompanııasynyń basshylyǵy men eńbek ujymy qaza bolǵan jumysshynyń týystary men jaqyndaryna kóńil aıtady», - delingen "Qazaqmys" kompanııa joldaǵan málimdemede.
Atalǵan kompanııada qyzmetkerlerdiń óndiristik jaraqat alý kórsetkishi ótken jylǵa qaraǵanda 3 ese artqan. Bul týraly Premer-mınıstr Álıhan Smaıylov Úkimet otyrysynda aıtty.
Eń iri mys óndirýshi kompanııa dep tanylǵan "Qazaqmys" kenishinde ajal qushqandar kóp. Ótken aıdyń ishinde kompanııa tórt qyzmetkerinen aıyryldy. 6 qarasha kúni Shyǵys Jezqazǵan kenishiniń №57 shahtasynda jumysshy qaıtys boldy. 22 qarashada «Qazaqmys» kompanııasynyń Jezqazǵan baıytý fabrıkasynda mashınıst mertikti. 27 qarashada kompanııanyń Jambyl oblysyndaǵy «Jaısan» kenishinde 1981 jáne 2002 jyly týǵan jumysshylar aýyr jaraqat alyp, kóz jumǵan bolatyn.
