"Qazaqmys" kenışınde jūmysşy qaitys boldy, dep habarlaidy "Adyrna" tılşısı Kazinform-ǧa sıltep.
Ūlytau oblysyndaǧy «Jylandy» kenışınde 31 jastaǧy maşinist mert boldy. Şahta uchaskelerınıŋ bırınde bolǧan jazataiym oqiǧanyŋ män-jaiy anyqtaluda.
Atalǧan kompaniiada qyzmetkerlerdıŋ öndırıstık jaraqat alu körsetkışı ötken jylǧa qaraǧanda 3 ese artqan. Būl turaly Premer-ministr Älihan Smaiylov Ükımet otyrysynda aitty. Eŋ ırı mys öndıruşı kompaniia dep tanylǧan "Qazaqmys" kenışınde ajal qūşqandar köp. Ötken aidyŋ ışınde kompaniia tört qyzmetkerınen aiyryldy. 6 qaraşa künı Şyǧys Jezqazǧan kenışınıŋ №57 şahtasynda jūmysşy qaitys boldy. 22 qaraşada «Qazaqmys» kompaniiasynyŋ Jezqazǧan baiytu fabrikasynda maşinist mertıktı. 27 qaraşada kompaniianyŋ Jambyl oblysyndaǧy «Jaisan» kenışınde 1981 jäne 2002 jyly tuǧan jūmysşylar auyr jaraqat alyp, köz jūmǧan bolatyn.««Qazaqmys» kompaniialar toby Ūlytau oblysynda ornalasqan «Jylandy» kenışınde 26 jeltoqsan künı qaiǧyly oqiǧa bolǧanyn qaiǧyra habarlaidy. Saǧat 18.30-da şahta uchaskelerınıŋ bırı – «Şyǧys Sary-Obada» özdıgımen jüretın jerasty maşinasynyŋ öndırıs ornyna qozǧalysy barysynda jürgızuşı 1992 jyly tuǧan maşinisttı abaisyzda basyp kettı. Saldarynan jūmysşy ölımge alyp kelgen auyr jaraqattar aldy. «Qazaqmys» kompaniiasynyŋ basşylyǧy men eŋbek ūjymy qaza bolǧan jūmysşynyŋ tuystary men jaqyndaryna köŋıl aitady», - delıngen "Qazaqmys" kompaniia joldaǧan mälımdemede.
Ūqsas jaŋalyqtar
