Shyǵys Qazaqstan oblysyndaǵy taý-shańǵy kýrortynda jattyǵý kezinde aspaly joldyń trosy úzilip, 2013 jyly týǵan sportshy ıyǵynan jaraqat aldy, dep habarlaıdy “Adyrna” ulttyq portaly.
Bul týraly oblys ákimdigi málimdedi.
Oqıǵa 14 jeltoqsan kúni Glýbokoe aýdanyndaǵy demalys bazasynda bolǵan. Tros úzilisi saldarynan sportshylardyń biri jaraqat alǵan soń, oqıǵa ornyna jedel járdem shaqyryldy.
“Aýyr jaraqat anyqtalmaǵanymen, sportshy tolyq medıınalyq tekserýden ótý úshin Óskemen qalasyndaǵy Ana men bala ortalyǵyna jetkizildi”, – delingen habarlamada.
Oqıǵa ornyna quqyq qorǵaý organdary, Dene shynyqtyrý jáne sport basqarmasynyń qyzmetkerleri, sondaı-aq Glýbokoe aýdanynyń ákimi Eldar Tumashınov kelgen.
Tros úzilýiniń sebebin anyqtaý úshin arnaıy komıssııa qurylyp, másele oblys ákiminiń jeke baqylaýyna alyndy.
