Şyǧys Qazaqstan oblysynyŋ Şemonaiha audanynda jaŋa auruhana qūrylysy kezınde adam süiekterı tabyldy, dep habarlaidy "Adyrna" ūlttyq portaly.
Kuägerlerdıŋ aituynşa, qūrylys alaŋynan bas süiek, jaq süiegı, qol-aiaq süiekterı anyqtalǧan. Alaida soǧan qaramastan qūrylys jūmystary toqtatylmaǧany jergılıktı tūrǧyndardyŋ narazylyǧyn tudyrdy.
Tūrǧyndar qazylǧan topyraqtyŋ süiektermen bırge basqa aumaqtarǧa şyǧarylyp jatqanyna alaŋdap otyr. Olardyŋ pıkırınşe, jauyn-şaşyn kezınde būl qaldyqtar özenge tüsuı mümkın degen qauıp bar. Jergılıktı halyq būl aumaqta būryn qorym bolǧanyn, sondai-aq Ūly Otan soǧysy jyldary gospital jūmys ıstegenın aityp, onda qaitys bolǧandar jerlenuı mümkın ekenın boljaidy.
Tūrǧyndar qūrylys jūmystaryn dereu toqtatyp, tolyq tekseru jürgızudı talap etude.
Şyǧys Qazaqstan oblysy äkımdıgınıŋ mälımetınşe, būl aumaqta būryn da adam jerlengen oryndar bolǧan. Keiın ol jerde infeksiialyq auruhana salynǧan. Äkımdık ökılderı mūndai jaǧdailardyŋ būryn da tırkelgenın atap öttı.
Resmi aqparatqa säikes, tabylǧan süiekter tarihi qūndylyqqa jatpaidy jäne qaita jerleu räsımderı jürgızıledı. Vedomstvo barlyq jūmystar zaŋ aiasynda atqarylyp jatqanyn mälımdedı.
