Sátbaev qalalyq sotynda talap qoıýshy "S"-nyń óziniń fotosýretiniń áleýmettik jelide jarııalanýyn onyń jeke múliktik emes quqyqtaryn buzý, fotosýretti áleýmettik jeliden joıý, áleýmettik jelide jarııa túrde keshirim suraý jáne moraldyq zııandy óteý týraly azamattyq isi qaraldy.
Sot otyrysynda jaýapker "S" 2023 jylǵy 28 shildede óziniń "Facebook" áleýmettik jelisindegi paraqshasynda talap qoıýshynyń jeke ómirine qatysty málimetter jazylǵan qazaq tilindegi jazbamen birge talap qoıýshynyń fotosýretin jarııalaǵany anyqtaldy.
Atalǵan fotosýret talap qoıýshynyń jeke beınesi bolyp tabylady jáne jalpyǵa ortaq qoljetimdi bolmaǵan. Jaýapker talap qoıýshynyń jazylýshysy bolmaǵan jáne fotosýretti ruqsatsyz jarııalaýǵa quqyǵy bolmaǵan.
Osyǵan baılanysty talap qoıýshy fotosýretti áleýmettik jelide jarııalaýdy jeke quqyqtardy buzý dep tanyp, ony áleýmettik jeliden joıýdy, áleýmettik jelide keshirim suraýdy jáne moraldyq zııan úshin 500 000 teńge ótemaqy tóleýdi talap etti.
Sot otyrysynda jaýapker talap qoıýshynyń ýájderin moıyndamady, onyń jeke múliktik emes quqyqtary buzylmaǵanyn, jarııalanymnyń zańdy sıpatqa ıe ekenin jáne fotosýretti jarııalaýǵa ruqsattyń qajet bolmaǵanyn aıtty.
Sátbaev qalalyq sotynyń sheshimimen talap ishinara qanaǵattandyryldy. Jaýapker "S"-niń "Facebook" áleýmettik jelisinde talap qoıýshynyń beınesin (fotosýretin) onyń kelisiminsiz jarııalaýy jeke múliktik emes quqyqtardy buzý dep tanyldy.
Jaýapkerge 2023 jylǵy 28 shildede "Facebook" áleýmettik jelisindegi "NB" akkaýntynda jarııalanǵan fotosýretti joıý, "Facebook" jelisinde kópshilik aldynda keshirim suraý mindetteldi.
Sondaı-aq, jaýapkerden talap qoıýshynyń paıdasyna moraldyq zııan retinde 100 000 teńge óndirip alý týraly sheshim qabyldandy.
Ulytaý oblystyq sotynyń azamattyq ister jónindegi sot alqasynyń 2024 jylǵy 27 qarashadaǵy qaýlysymen Sátbaev qalalyq sotynyń sheshimi ózgerissiz qaldyrylyp, jaýapkerdiń apellıaııalyq shaǵymy qanaǵattandyrylýsyz qaldyryldy.
Sheshim zańdy kúshine endi.
