ساتباەۆ قالالىق سوتىندا تالاپ قويۋشى "س"-نىڭ ءوزىنىڭ فوتوسۋرەتىنىڭ الەۋمەتتىك جەلىدە جاريالانۋىن ونىڭ جەكە مۇلىكتىك ەمەس قۇقىقتارىن بۇزۋ، فوتوسۋرەتتى الەۋمەتتىك جەلىدەن جويۋ، الەۋمەتتىك جەلىدە جاريا تۇردە كەشىرىم سۇراۋ جانە مورالدىق زياندى وتەۋ تۋرالى ازاماتتىق ءىسى قارالدى.
سوت وتىرىسىندا جاۋاپكەر "س" 2023 جىلعى 28 شىلدەدە ءوزىنىڭ "Facebook" الەۋمەتتىك جەلىسىندەگى پاراقشاسىندا تالاپ قويۋشىنىڭ جەكە ومىرىنە قاتىستى مالىمەتتەر جازىلعان قازاق تىلىندەگى جازبامەن بىرگە تالاپ قويۋشىنىڭ فوتوسۋرەتىن جاريالاعانى انىقتالدى.
اتالعان فوتوسۋرەت تالاپ قويۋشىنىڭ جەكە بەينەسى بولىپ تابىلادى جانە جالپىعا ورتاق قولجەتىمدى بولماعان. جاۋاپكەر تالاپ قويۋشىنىڭ جازىلۋشىسى بولماعان جانە فوتوسۋرەتتى رۇقساتسىز جاريالاۋعا قۇقىعى بولماعان.
وسىعان بايلانىستى تالاپ قويۋشى فوتوسۋرەتتى الەۋمەتتىك جەلىدە جاريالاۋدى جەكە قۇقىقتاردى بۇزۋ دەپ تانىپ، ونى الەۋمەتتىك جەلىدەن جويۋدى، الەۋمەتتىك جەلىدە كەشىرىم سۇراۋدى جانە مورالدىق زيان ءۇشىن 500 000 تەڭگە وتەماقى تولەۋدى تالاپ ەتتى.
سوت وتىرىسىندا جاۋاپكەر تالاپ قويۋشىنىڭ ۋاجدەرىن مويىندامادى، ونىڭ جەكە مۇلىكتىك ەمەس قۇقىقتارى بۇزىلماعانىن، جاريالانىمنىڭ زاڭدى سيپاتقا يە ەكەنىن جانە فوتوسۋرەتتى جاريالاۋعا رۇقساتتىڭ قاجەت بولماعانىن ايتتى.
ساتباەۆ قالالىق سوتىنىڭ شەشىمىمەن تالاپ ءىشىنارا قاناعاتتاندىرىلدى. جاۋاپكەر "س"-ءنىڭ "Facebook" الەۋمەتتىك جەلىسىندە تالاپ قويۋشىنىڭ بەينەسىن (فوتوسۋرەتىن) ونىڭ كەلىسىمىنسىز جاريالاۋى جەكە مۇلىكتىك ەمەس قۇقىقتاردى بۇزۋ دەپ تانىلدى.
جاۋاپكەرگە 2023 جىلعى 28 شىلدەدە "Facebook" الەۋمەتتىك جەلىسىندەگى "نب" اككاۋنتىندا جاريالانعان فوتوسۋرەتتى جويۋ، "Facebook" جەلىسىندە كوپشىلىك الدىندا كەشىرىم سۇراۋ مىندەتتەلدى.
سونداي-اق، جاۋاپكەردەن تالاپ قويۋشىنىڭ پايداسىنا مورالدىق زيان رەتىندە 100 000 تەڭگە ءوندىرىپ الۋ تۋرالى شەشىم قابىلداندى.
ۇلىتاۋ وبلىستىق سوتىنىڭ ازاماتتىق ىستەر جونىندەگى سوت القاسىنىڭ 2024 جىلعى 27 قاراشاداعى قاۋلىسىمەن ساتباەۆ قالالىق سوتىنىڭ شەشىمى وزگەرىسسىز قالدىرىلىپ، جاۋاپكەردىڭ اپەللياتسيالىق شاعىمى قاناعاتتاندىرىلۋسىز قالدىرىلدى.
شەشىم زاڭدى كۇشىنە ەندى.
