Astanada «AMANAT» partiiasynyŋ Käsıpkerler qanaty energetika salasynyŋ ökılderımen kezdesu ötkızdı. Jiyn barysynda tarif saiasatyn jetıldıruden bastap, energetikalyq käsıporyndardy kadrmen qamtamasyz etuge deiıngı salany damytudyŋ maŋyzdy mäselelerı talqylandy.
Tolǧandyrǧan mäselelerdı şeşu boiynşa bırlesken josparlar qūryldy. Kezdesuge Energetika ministrı Erlan Aqkenjenov, Ekologiia jäne tabiǧi resurstar ministrı Erlan Nysanbaev, sondai-aq Mäjılıs deputattary, salalyq qauymdastyqtar men energetikalyq kompaniialardyŋ basşylary qatysty. Partiianyŋ öŋırlık filialdary beinekonferensbailanys arqyly qosyldy. Bügınde el aumaǧynda energetika salasynda şamamen 100 myŋ adam eŋbek etedı.
Mäjılıs Spikerı, «AMANAT» partiiasynyŋ Töraǧasy Erlan Qoşanov energetika salasy memlekettıŋ ornyqty damuynda strategiialyq maŋyzǧa ie ekenın mälımdedı. Ol Memleket basşysy salanyŋ saldarymen küresuden – jüielı jaŋǧyrtu jūmysyna köşu mındetın qoiǧanyn erekşe atap öttı. Osy baǧytta keşendı jaŋǧyrtuǧa, jauapkerşılıktı küşeituge jäne ūzaqmerzımdı josparlauǧa betbūrys jasaldy. Sonyŋ nätijesınde bügınde memleket tarapynan salany retteu jūmysy jüielı türde jürgızılıp, qordalanǧan mäseleler şeşımın tabuda. Būl ıske «AMANAT» partiiasy da airyqşa atsalysuda.
«Bügın bız osy salada sızderdı tolǧandyrǧan negızgı mäselelerdı qarastyrdyq. Energetika ministrı atap ötkendei, jaǧdaidy retteu maqsatynda Ükımet tarapynan jüielı şaralar qabyldanuda. Būl mäsele Memleket basşysynyŋ tıkelei baqylauynda. Bız saiasi partiia retınde jäne sızder käsıbi qauymdastyq retınde bırlesıp, tiımdı tepe-teŋdık tabuymyz kerek. Salaǧa investisiia tartu, boljamdy erejeler qalyptastyru jäne qarjy qaitarymyn qamtamasyz etu üşın tüsınıktı jaǧdai jasau qajet.
Alaida azamattardyŋ müddesı, tarif saiasatynyŋ ädıldıgı, äleumettık tūraqtylyq jäne jüktemenıŋ artuy auyrtpaşylyq etetın azamattarǧa atauly qoldau körsetu mäselelerı de asa maŋyzdy. Sondyqtan sızderdıŋ taraptaryŋyzdan köterılıp otyrǧan mäselelerdıŋ şeşım tabuy endı partiiamyzdyŋ nazarynda bolady», – dedı Erlan Qoşanov.
Mäjılıs Spikerı bügınde energetika salasyna qatysty memlekettık saiasat jüielı kezeŋge köşkenıne nazar audardy. Alǧaş ret «Jylu energetikasy turaly» Zaŋ qabyldandy, energetika jäne kommunaldyq sektorlardy jaŋǧyrtuǧa, sondai-aq kömır generasiiasyn damytuǧa baǧyttalǧan Ūlttyq jobalar jüzege asyryluda. «Tariftı investisiiaǧa aiyrbastau» baǧdarlamasy ıske qosyldy. Tariftık jäne investisiialyq saiasat qaita qaraldy.
Nysandardyŋ tehnikalyq jai-küiın qadaǧalau jūmysy küşeitılıp, jaŋa quat közderı ıske qosylyp, jelılık infraqūrylym damuda. Nätijesınde tehnologiialyq aqaular sany azaiyp, qyzyl aimaqtaǧy JEO sany qysqardy.
Erlan Qoşanov «AMANAT» fraksiiasy deputattary energetika salasyn damytu ısıne zaŋnamalyq qoldau körsetu baǧytynda auqymdy jūmys atqarǧanyn airyqşa atap öttı. Olar energetika salasyndaǧy jalaqyny öŋırdegı ortaşa salalyq deŋgeimen bailanystyruǧa zaŋ jüzınde bastamaşylyq ettı. Sonyŋ nätijesınde keiıngı ekı jylda sala qyzmetkerlerınıŋ jalaqysy 40%-ǧa östı. Bügınde investisiialyq jobalarǧa qatysty räsımderdı jeŋıldetu jäne ekologiialyq kelısım alu merzımderın oŋtailandyru boiynşa tüzetuler äzırlendı. Tūlǧalar tobyna kıretın kompaniialar üşın negızgı jabdyqtarǧa investisiialyq kelısımder jasau mümkındıgın engızu ūsynyluda. Sondai-aq energiiamen jabdyqtauşy kompaniialardyŋ qyzmetın lisenziialaudy engızu josparlanyp otyr. Būl tüzetuler käsıbi qauymdastyqtyŋ sūranysyna jauap retınde äzırlendı. Olardy osy sessiia aiaqtalǧanǧa deiın qabyldau josparlanuda.
Kezdesu barysynda qatysuşylar saladaǧy özektı mäseleler boiynşa pıkır almasty. Atap aitqanda, ūzaqmerzımdı ärı boljamdy tariftık saiasatty engızu, quat közderı men jelılerdıŋ äbden eskıruı, ırı jüieqūrauşy energetikalyq jobalar üşın äkımşılık kedergılerdı azaitu mäselelerı nazarǧa alyndy. Sondai-aq kömırtegı kvotalarynyŋ Ūlttyq josparyn memlekettık baǧdarlamalar aiasynda ıske qosylatyn energetikalyq quattar kölemımen üilestıru, kadr mäselesı jäne özge de taqyryptar talqylandy.
Energetika ministrı Erlan Aqkenjenov öz baiandamasynda dästürlı jäne jaŋartylatyn energetikany qatar damyta otyryp, energiia közderın arttyru baǧytyndaǧy jüielı şaralarǧa toqtaldy. Bügınde elımızdıŋ energojüiesınde 245 quat közı bar. Onyŋ 166-sy – jasyl energetika nysandary. 2035 jylǧa deiıngı energetika salasyn damytu Jospary aiasynda jüielı jūmys jürgızılude. Soǧan säikes, quatty 26 GVt-tan asyru közdelıp otyr. Qazırgı jobalardy jüielı jüzege asyru qadamy aldaǧy jyldary ekonomikanyŋ elektr energiiasyna degen sūranysyn tolyq öteuge jäne tūraqty profisittı qamtamasyz etuge mümkındık beredı.
Sondai-aq ıs-şara barysynda «OAEK» AQ aksionerı Sergei Kan, «QKJ» JŞS aksionerı Dınmūhammed Ydyrysov, «Qarajyra» AQ Basqarma Töraǧasy İliar Nizamov, MAEK BPŪ jetekşısı Anatolii Jdanov, Ekıbastūz MAES-1 BPŪ töraǧasy Serık Serianov, Qazaqstan Elektroenergetikalyq Qauymdastyǧynyŋ Basqarma Töraǧasy Talǧat Temırhanov jäne özge de azamattar söz söiledı.
Kezdesu soŋynda energetikalyq kompaniialardyŋ bırqatar ökılı «AMANAT» partiiasyna qosyldy. Olardyŋ qatarynda «KEGOC» AQ Basqarma Töraǧasy Näbi Aitjanov, «Samūryq-Energo» AQ Basqarma Töraǧasy Qairat Maqsūtov, «Qaraǧandy Energosentr» JŞS bas direktory Fliur Garipov, «Şardara SES» AQ Basqarma Töraǧasy Raşid Eshojin, «GRES-2» AQ Basqarma Töraǧasynyŋ jalpy jäne äleumettık mäseleler jönındegı orynbasary Gauhar Nūǧmanova jäne özge de azamattar bar.
Sonymen qatar energetika salasynyŋ bır top ökılı salany jäne el ekonomikasyn damytuǧa qosqan ülesı üşın partiianyŋ «Belsendı qyzmetı üşın» tösbelgısımen marapattaldy.
«AMANAT» partiiasynyŋ Baspasöz qyzmetı
Foto: Äli Ǧalym
