Almaty halyqaralyq áýejaıy 2024 jyldyń 1 qańtarynan bastap jolaýshylar termınaldary janyndaǵy turaqqa jańa tarıf engizetinin málimdedi, dep habarlaıdy “Adyrna” ulttyq portaly.
Áýejaı basshylyǵy bul qadamdy pandýs qurylysyna jumsalǵan shyǵyndardy óteý jáne turaq ınfraqurylymyn odan ári jaqsartý qajettiligimen túsindiredi.
Áýejaı ákimshiliginiń málimetinshe, turaq sapasyn arttyrý maqsatynda birneshe jańǵyrtý jumystary júrgizilgen. Oǵan ekinshi qabatqa jańa pandýs salý, turaq oryndarynyń sanyn kóbeıtý jáne nómirdi avtomatty túrde taný júıesin engizý sııaqty zamanaýı tehnologııalar kiredi.
«Biz turaqty barynsha yńǵaıly etýge tyrysamyz. Onyń qaýipsizdigi men tıimdiligin arttyrý úshin júıeli túrde jańartyp, jaqsartyp otyramyz. Bul klıentterimizdiń jaılylyǵy men qaýipsizdigin qamtamasyz etýge baǵyttalǵan mańyzdy qadamdar», – dep atap ótti Almaty áýejaıynyń ókilderi.
Jańa tarıfterdiń naqty mólsheri týraly aqparat jaqyn kúnderi jarııalanýy múmkin. Turaq baǵasynyń kóterilýi jolaýshylarǵa yńǵaıly ári zamanaýı qyzmet kórsetý úshin jasalyp otyrǵany aıtyldy.
Eske salaıyq, Almaty halyqaralyq áýejaıy – Qazaqstannyń eń iri áýe qaqpasy.
