Qazaqstannyń burynǵy prezıdentteriniń densaýlyǵy men jeke ómiri týraly aqparat memlekettik qupııaǵa jatady jáne ony taratýǵa tyıym salynady. Bul týraly búgin Senattyń jalpy otyrysynda aıtyldy, dep habarlaıdy “Adyrna” ulttyq portaly.
Senattyń jalpy otyrysynda «Qazaqstan Respýblıkasynyń keıbir zańnamalyq aktilerine Memlekettik bilim berý jınaqtaý júıesi, aqparat, qoǵamdyq damý, mádenıet jáne arhıv isi salalarynda artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» Zańy eki oqylymda qaralyp, maquldandy.
Osy maquldanǵan zań aıasynda «Memlekettik qupııalar týraly» QR Zańyna tıisti tolyqtyrý qarastyryldy. Bul jóninde Senattyń Áleýmettik-mádenı damý jáne ǵylym komıtetiniń qorytyndy málimetinde baıandalǵan.
- «Memlekettik qupııalar týraly» Zańyna barlaýshylyq, qarsy barlaýshylyq, jedel-izdestirýshilik jáne ózge de qyzmetti memlekettik qupııalarǵa jatqyzýdan basqa, Qazaqstan Prezıdentiniń jáne onyń otbasy músheleriniń qaýipsizdigin qamtamasyz etýdiń uıymdastyrylýy, kúshteri, quraldary men ádisteri týraly málimetter, QR Prezıdentiniń densaýlyq jaǵdaıy men jeke ómiri týraly málimetter, Qazaqstannyń eks-Prezıdentteriniń jáne olardyń otbasy músheleri týraly uqsas málimetterdi engizý boıynsha tolyqtyrý engiziledi, - delingen Senat komıtetiniń aqparatynda.
