Qalada industriialyq infraqūrylym damyp, otandyq önım öndıruşılerdıŋ ülesı artuda. Osyǧan orai, şaharda jūmys ıstep tūrǧan käsıporyndardyŋ jūmysyn jandandyru, öndırıstık äleuetın arttyru jäne jaŋa jūmys oryndaryn aşu - basty basymdyqtardyŋ bırı bolyp tabylady.
Osy baǧytta Türkıstan qalasynyŋ äkımı Äzımbek Pazylbekūly öndırıstık nysandardy aralau barysynda «Nūr Stroi LTD» jauapkerşılıgı şekteulı serıktestıgınıŋ öndırıstık quatymen tanysty.
2005 jyldan berı jūmys ıstep kele jatqan käsıporyn temır-beton būiymdaryn şyǧarumen ainalysady. Bügınde öndırıs ornynda jylyna 10 000 dana jabyn plitasyn,30 000 dana temır-beton tıregın jäne 50 000 tonna asfaltty syndy sapaly önım şyǧarylady. Öndırıs orny qaladaǧy jol-qūrylys salasyna qajettı materialdarmen tūraqty türde qamtamasyz etıp otyr. 2023 jyldyŋ qorytyndysy boiynşa käsıporyn 72 myŋ dana önım öndırgen.
Qazırgı taŋda käsıporynda 164 adam tūraqty jūmyspen qamtylǧan. «Nūr Stroi LTD» JŞS şyǧarǧan önımderdıŋ sapasy ST-KZ ūlttyq sertifikatymen däleldengen, būl – öndırıletın materialdardyŋ 100% otandyq ekenın jäne halyqaralyq standarttarǧa sai keletının aiǧaqtaidy.
Qala äkımdıgı öŋırde industriialyq äleuettı damytu, qūrylys salasyn qoldau jäne öndırıs oşaqtaryn infraqūrylymmen qamtamasyz etu baǧytynda jüielı jūmystar jürgızıp keledı. Öndırıstık mekeme ökılderımen jüzdesu barysynda Äzımbek Pazylbekūly käsıporynnyŋ qyzmetın joǧary baǧalap, otandyq önım ülesın arttyru, jūmys oryndaryn köbeitu jäne qala ekonomikasyna qosar ülesın eseleu mäselelerı aldaǧy uaqytta da basty nazarda bolatynyn atap öttı.
Ūqsas jaŋalyqtar
