Panfilov audanynda 26 eldı meken gazdandyruǧa jatady. Bügıngı künı Jarkent qalasy tolyq gazdandyryldy. Qalǧan 25 eldı mekendı gazdandyru boiynşa jūmystar jürgızılude, sonyŋ 12-sınde bügıngı künı qūrylys jūmystary aiaqtaldy. Būl rette tūrǧyndarynyŋ sany 1900-den asatyn Avat jäne Aqkent auyldaryna gaz jetkızıldı, al osy aptanyŋ soŋyna deiın Nädek auylyna kögıldır otyn berıledı. Söitıp jyl aiaǧyna deiın audandaǧy eldı mekenderdıŋ teŋ jartysy gazdandyrylady. Būl turaly oblys äkımı Beibıt İsabaevtyŋ Panfilov audany tūrǧyndarymen kezdesuınde belgılı boldy, dep habarlaidy "Adyrna" Jetısu oblysy äkımınıŋ baspasöz qyzmetıne sılteme jasap.
Öŋır basşysynyŋ aituynşa, qalǧan 13 eldı mekende auylǧa deiıngı gaz qūbyrynyŋ qūrylysy biyl aiaqtalyp, kelesı jyly auylışılık gaz taratu jelılerı jürgızıletın bolady.
- Sonyŋ nätijesınde kelesı jyldyŋ soŋyna deiın audannyŋ 114,3 myŋ tūrǧyny, iaǧni 85%-y tabiǧi gazǧa qol jetkıze alady, - dep atap öttı B. İsabaev.
Halyqty sapaly auyz sumen qamtamasyz etu mäselesıne de erekşe köŋıl bölıngen. Osy oraida audandaǧy 40 eldı mekennıŋ bärı ortalyqtandyrylǧan sumen qamtamasyz etıldı, sonyŋ ışınde Jidelı auylyna biyl jergılıktı biudjetten qarajat bölınıp, sapaly auyz sumen qamtyldy.
Halyqtyŋ tūrmys deŋgeiın köteru maqsatynda qolǧa alynǧan baǧyttyŋ bırı – tūrǧyn üimen qamtu. Būl rette oblys basşysy osy jyldyŋ 24 mamyrynan kezekke qoiu jäne tūrǧyn üi beru funksiiasy jergılıktı atqaruşy organdardan Otbasy bankıne ötkenın, endı tūrǧyn üiler osy bank arqyly berıletının eske salyp, byltyr audanda qūrylysty qarqyndy jürgızudıŋ arqasynda 480 päter men 140 jeke tūrǧyn üi qoldanysqa berılgenın atap öttı. Al jyl soŋyna deiın 120 päter men 200 jeke tūrǧyn üidı tapsyru közdelgen. Atalǧan üiler Otbasy bankı arqyly kezeŋ-kezeŋımen berılıp, tūrǧyn üi kezegı 4%-ǧa qysqarady degen jospar bar. Sonymen qatar auyldyq jerlerde tūratyn äleumettık osal otbasylardy tūrǧyn üimen qamtu üşın Şolaqai auylynda 373 jer uchaskesıne injenerlık jelıler jürgızılude, qūrylys kelesı jyldyŋ tamyz aiynda aiaqtalady.
Äleumettık-ekonomikalyq damudyŋ negızgı baǧyttary boiynşa halyqtyŋ ömır süru deŋgeiın jaqsartu maqsatynda qabyldanyp jatqan şaralarǧa jan-jaqty toqtalǧan aimaq basşysy tūrǧyndardy tolǧandyrǧan sūraqtarǧa jauap berdı.
Mäselen, Almaly auylynyŋ tūrǧyny auyldyŋ damuyna qatysty bırqatar mäselelerdı köterdı. Ol auylda ambulatoriia salynǧanyn, zamanaui veterinarlyq punkt jūmys ısteitının, tūrǧyndardyŋ ötınışterıne säikes bırneşe köşege asfalt töselıp, jaryqtandyru jürgızılgenın atap öttı. Endı qazırgı mädeniet üiı men mektep ǧimaraty 70-80 jyldary salynǧandyqtan, jaŋa mädeniet üiı men mektep salu qajet ekenın jetkızdı.
Mektep qūrylysyna qatysty sūraqtardy Qoŋyröleŋ, Kışışyǧan auyldarynyŋ tūrǧyndary da qoidy. Jauapta aitylǧandai, Almaly auylyndaǧy mektep qūrylysyna biudjettık ötınım kelesı jyly berıledı. Al Qoŋyröleŋ, Kışışyǧan auyldaryndaǧy mädeniet üiı men mektep qūrylysyna qatysty mäseleler qosymşa qaralatyn bolady.
Sarybel auylynyŋ tūrǧyny auyz su sapasyna qatysty mäsele köterdı. Baiandamada aitylǧandai, su qūbyry jelılerın jaŋǧyrtu jobasy daiyndalǧan, būl mäsele oŋ şeşımın tabady. Sonymen qatar Qyryqqūdyq jäne Şolaqai auyldarynda su qūbyry jelılerınıŋ jaŋǧyrtyluy aiaqtaldy. Osyndai jūmystar biyl Kerımǧaş auylynda da bastalǧan, nysannyŋ qūrylysy kelesı jyly jalǧasady. Būdan bölek, Üşaral auylynyŋ auyz suy sapasyn jaqsartu boiynşa joba äzırlengen.
Köktal auylynyŋ tūrǧyny L. Asanova köşesın jöndeu turaly söz qozǧady. Jauapta aitylǧannan belgılı bolǧany, Jarkent qalasynda E.Sypataev köşesı jöndelgen, aldaǧy jospar boiynşa L. Asanova köşesın de jöndeu josparda bar. Jalpy, biyl ūzyndyǧy 29 şaqyrymdy qūraityn jergılıktı maŋyzy bar joldardy jöndeu men kütıp ūstau jūmystaryna 3,5 mlrd teŋge bölıngen.
Sondai-aq tūrǧyndar suarmaly sumen qamtamasyz etu, mektepterdı kürdelı jöndeu, köp qabatty üilerdıŋ şatyryn, qasbetın jöndeu mäselelerın köterdı. Barlyq sūraqtarǧa tolyqqandy jauaptar berıldı.
– Ötken jyldyŋ qorytyndysy boiynşa Panfilov audany oblystaǧy eŋ üzdık audan dep tanyldy. Būl – audan halqynyŋ ortaq eŋbegınıŋ nätijesı. Bız öz tarapymyzdan tūrǧyndardyŋ ömır sapasyn arttyru baǧytynda tiıstı şaralardy qabyldap jatyrmyz. Eŋ bırınşı kezekte sapaly auyz sumen qamtu, jol jöndeu, tūrǧyn üiler men äleumettık nysandar salu mäselelerı şeşılude. Gazdandyru jūmystary da jalǧasyp jatyr. Jalpy, Panfilov audany –ekonomikalyq äleuetı joǧary, auyl şaruaşylyǧy, önerkäsıp, logistika, turizm salalaryn damytuǧa jaqsy mümkındıkterı bar, Jetısu oblysynyŋ damuyna eleulı üles qosyp otyrǧan öŋır, – dedı sözınıŋ qorytyndysynda oblys äkımı Beibıt İsabaev.
Atap ötsek, osy künı öŋır basşysy azamattardy jeke mäselelerı boiynşa qabyldady. Qabyldauǧa kelgender negızınen memlekettık qoldau men äleumettık kömek alu mümkındıkterıne qatysty sūraqtar qoidy.
