Memleket basshysy Qasym-Jomart Toqaev Qyrǵyzstan Prezıdenti Sadyr Japarovpen telefon arqyly sóılesti, dep habarlaıdy “Adyrna” ulttyq portaly.
Aqorla málimetinshe, Qasym-Jomart Toqaev Sadyr Japarovty týǵan kúnimen quttyqtap, baýyrlas qyrǵyz halqynyń ıgiligi jolyndaǵy jaýapty memlekettik qyzmetine tolaıym tabys tiledi.
“Memleket basshysy Qyrǵyzstan Prezıdentiniń eki el arasyndaǵy strategııalyq yntymaqtastyq pen odaqtastyq baılanystardy nyǵaıtýǵa qosqan zor úlesin joǵary baǵalaıtynyn jetkizdi”, – delingen aqparatta.
Áńgimelesý barysynda prezıdentter ekijaqty yqpaldastyqtyń damý qarqynyn atap ótip, joǵary deńgeıdegi, sonyń ishinde Sadyr Japarovtyń bıylǵy 18-19 sáýir kúnderi Qazaqstanǵa resmı saparynyń aıasynda qol jetkizilgen ýaǵdalastyqtardyń júzege asyrylý barysyn talqylady. Dostyq pen tatý kórshilik rýhynda órbip kele jatqan mádenı-gýmanıtarlyq baılanystardy odan ári nyǵaıtýǵa erekshe nazar aýdaryldy.
