Sheteldik ınvestorlar keńesi otyrysynda sóılegen sózinde Qazaqstan prezıdenti Qasym-Jomart Toqaev úkimet atom elektr stanııasy qurylysy úshin jer tańdap qoıǵanyn aıtty, dep habarlaıdy “Adyrna” ulttyq portaly.
Alaıda, naqty qaı jer ekeni atalmady.
«Qazaqstanda atom energetıkasyn damytý boıynsha birqatar básekelestik artyqshylyqtar bar, ony EO jasyl tehnologııalar tizimine engizdi. Bizdiń elimiz tabıǵı ýran óndirýden álemde birinshi orynda tur, ıadrolyq otynnyń ózindik óndirisi bar jáne ýrandy baıytý boıynsha tıisti múmkindikterge ıe. Qazirgi ýaqytta biz atom elektr stanııasyn ornalastyrý týraly sheshim qabyldadyq jáne áleýetti jetkizýshilerdiń tehnologııalaryn zerttep jatyrmyz» dedi prezıdent.
Buǵan deıin bılik eki oryndy – Kýrchatov pen Balqash qalalaryn qarastyrǵan.
”Adyrna” ulttyq portaly
