Qasym-Jomart Toqaev Abaı oblysyna barǵanda onymen ózderin qaza bolǵan ormanshylardyń týystarymyz dep ataǵan bir top beıtanys adam kezdesken, dep habarlaıdy “Adyrna” ulttyq portaly Kazakhstan Today agenttigine siltep.
Jelide Abaı oblysyndaǵy orman órtinen qaza tapqandardyń týystarynyń vıdeosy jarııalandy.
Telearnalar qaıda? Bári qaıda? Keshe kelem degen Garıkov qaıda? Sheship berem degen. Ol sheshken joq. Ózimiz sheshtik. Bireý kelip kóńil aıtty ma? Joq, kelgen joq. Qońyraý shalady. Ol qońyraýlar bizge ne kerek?
Keshe prezıdentpen týystary kezdesýge barǵanda eshkim barǵan joq. Biraq 14 ókili boldy dedi. Basqa adamdar. Sveta degen kisiniń famılııasy jazylyp tur. Biraq ol barmady. Osynda otyr ǵoı. Meniń týǵan ákem ǵoı. Balasymyn dep barsam kirgizbeı qoıdy. Tanymaıtyn adamdar júr deıdi. Kim ol? Tanymaımyz», - dedi adamdar jelide taraǵan vıdeoda.
Aıta keteıik, buǵan deıin Toqaevtyń Abaı aýdanynda qaza tapqan orman sharýashylyǵy qyzmetkerleriniń otbasymen kezdeskeni habarlanǵan bolatyn. Prezıdent qaza bolǵandardyń otbasynan keshirim surap, olarǵa jeke jeńildikter berýge ýáde berdi.
