Memleket basshysy Qasym-Jomart Toqaev AQSh-tyń 47-shi saılanǵan prezıdenti Donald Tramppen sóılesti. Bul týraly Aqorda málimdedi, dep habarlaıdy “Adyrna” ulttyq portaly.
«Qasym-Jomart Toqaev AQSh-tyń saılanǵan prezıdenti Donald Tramppen telefon arqyly sóılesti. Qasym-Jomart Toqaev Donald Trampty Amerıka Qurama Shtattarynyń Prezıdenti laýazymyna saılanýymen quttyqtady», — delingen beısenbi kúni taratqan habarlamada.
Atap ótkendeı, saıasatkerler saýda, ınvestıııa jáne ıadrolyq qarýdy taratpaý salasyndaǵy strategııalyq áriptestikti qarqyndy damytýǵa ózara beıildiligin rastady.
«Memleket basshysy halyqaralyq kún tártibindegi eń ózekti máseleler boıynsha Qazaqstannyń ustanymyn baıandady. Prezıdentter ekijaqty yntymaqtastyqtyń joǵary qarqynyn saqtaý maqsatynda turaqty baılanystar týraly kelisti», - dep tolyqtyrdy Aqorda.
