Memleket basshysy Qasym-Jomart Toqaev Mádenıet jáne aqparat mınıstri Aıda Balaevany qabyldady. Bul týraly Aqorda jarııalady, dep habarlaıdy “Adyrna” ulttyq portaly.
Prezıdentke mınıstrliktiń mádenıet, aqparat, azamattyq qoǵam, din, etnosaralyq qatynas, jastar saıasaty, kreatıvti ındýstrııa, otbasy-demografııalyq saıasat, muraǵat jáne kitaphana isi salalarynda bıylǵy atqarǵan sharalary, sondaı-aq vedomstvonyń 2025 jylǵa arnalǵan perspektıvti josparlaryn júzege asyrýǵa daıyndyǵy jóninde málimet berildi.
Aıda Balaevanyń aıtýynsha, bıyl alǵash ret qazaq óneri álemge áıgili art-alańdarda, atap aıtqanda, Veneııa bıennalesinde, Gıme Azııa óneri mýzeıinde tanystyryldy. Qazaqstannyń baspa ónimderi Frankfýrt kitap jármeńkesinde kórsetildi.
«Segiz tilde Qazaq sulture aqparattyq-aǵartýshylyq platformasyn iske qosý elimizdiń tarıhyn, mádenıetin jáne salt-dástúrin dáripteý turǵysynan mańyzdy jobaǵa aınaldy. Budan bólek, Astanada ótken V Dúnıejúzilik kóshpendiler oıyndarynyń ashylý jáne jabylý saltanaty aıtýly mádenı-buqaralyq is-shara retinde baǵalandy.
Qasym-Jomart Toqaevqa mınıstrliktiń zań jobalaryn ázirleý baǵytynda atqarǵan jumysy týraly baıandaldy. Atap aıtqanda, bıyl elimizde jýrnalısterdiń mártebesin arttyrýdy kózdeıtin jańa BAQ týraly zań qabyldandy. «Qazaqfılm» kınostýdııasyn tikeleı qarjylandyrýdy qarastyratyn zańnamalyq ózgerister Parlament qaraýyna usynyldy.
Memleket basshysyna eriktiler qozǵalysyn damytý sharalary jóninde esep berildi. Mınıstrdiń aıtýynsha, 2022 jylmen salystyrǵanda, belsendi eriktiler sany 240 myń adamǵa deıin artty. Jyl saıyn 50-den astam volonterlik joba júzege asyrylady, sondaı-aq 7 qazaqstandyq erikti BUU qurylymdaryna jiberildi», - delingen habarlamada.
Aıda Balaeva kreatıvti ındýstrııany qoldaý sharalary ázirlengenin jetkizdi. Olardyń qatarynda Kreatıvti ındýstrııa qoryn qurý, ortalyq jáne jergilikti atqarýshy organdardyń quzyretin keńeıtý bastamalary bar. Kreatıvti ındýstrııa sýbektilerine arnaıy salyq rejımi engizildi. Jyl basynan beri elimizde 10 kreatıvti ortalyq pen hab ashyldy.
Kezdesý sońynda Prezıdent kelesi jyly ótetin Qazaqstan halqy Assambleıasynyń 30 jyldyǵy, Uly Jeńistiń 80 jyldyǵy, Álemdik jáne dástúrli dinder kóshbasshylarynyń sezi sekildi mereıtoılyq ári mańyzdy is-sharalarǵa daıyndyq barysyn jiti baqylaýǵa alýdy tapsyrdy.
